Elımızdıŋ soltüstıgınde spirttık ışımdık ışıp, ūiyqtap qalǧan şeneunıktıŋ ısı tärtıptık keŋeste qaraldy, dep habarlaidy «Adyrna» tılşısı Habar 24-ke sılteme jasap.
Tabiǧi monopoliialardy retteu komitetınıŋ Soltüstık Qazaqstan oblysy boiynşa departament basşysy Abai Balabekov ötken jyldyŋ qaraşa aiynda mas küiınde qoǧamdyq tärtıptı būzǧan. Memlekettık qyzmetşını aialdamada ūiyqtap jatqan jerınen patruldık polisiia qyzmetkerlerı tauyp alǧan. Keiın tärtıp saqşylary ony bırden medisinalyq kuälandyruǧa aparǧan.
Saraptama qorytyndysy onyŋ aşy suǧa toiyp alǧanyn körsettı. Aita ketu kerek, Balabekovtıŋ osyǧan deiın de Ädep kodeksın būzǧandyǧy belgılı boldy. Sondyqtan tärtıptık keŋes müşelerı ony qyzmetten bosatu turaly ūsynys jasady.
Mahabbat Samrat, Memlekettık qyzmet ısterı agenttıgı SQO boiynşa departamentınıŋ bas mamany:
- Abai Klimenovich Balabekov negızınde bırınşı ret Ädep kodeksınıŋ normalaryn būzyp otyrǧan joq. Onyŋ aldynda 2020 jyly mas küiınde kölık tızgındegen. Jäne öz kölıgın mas adamǧa jürgızuge mümkındık bergen.
«Adyrna» ūlttyq portaly
