Qazaqstanda 2022 jyly küzetşılerge, buhgalterlerge, satuşylar men jürgızuşılerge degen sūranys saqtalady, dep habarlaidy "Adyrna" ūlttyq portaly QR Eŋbek jäne halyqty äleumettık qorǧau ministrlıgınıŋ baspasöz qyzmetıne sılteme jasap.
«Eŋbek resurstaryn damytu ortalyǧy» AQ (būdan ärı – ERDO) Boljamdau departamentınıŋ derekterı boiynşa Qazaqstanda aǧymdaǧy jyly jaldamaly jūmyskerlerdıŋ sany 6,8-6,9 mln adamdy qūraidy. Jaldamaly jūmyskerlerge sūranys 188,6 myŋ adamdy qūraidy, onyŋ jartysy jūmystan şyǧatyn jaldamaly jūmyskerlerdı almastyru sūranysyna sai keledı. Sonymen qatar, küzetşıler, buhgalterler, satuşylar men jürgızuşıler eŋbek naryǧynda eŋ tanymal bolyp jäne jappai sūranysta qala beredı.
«Öŋırler boiynşa neǧūrlym eleulı jiyntyq sūranys, jūmystan şyǧatyn jaldamaly jūmyskerlerdı almastyru boiynşa sūranysty qosa alǧanda, Almaty qalasynda, sondai-aq Almaty jäne Jambyl oblystarynda oryn alatyn bolady. Al salalar boiynşa bılım beru, auyl şaruaşylyǧy jäne sauda baǧyttarynyŋ qyzmetkerlerı köbırek talap etıledı», – dedı ERDO Boljamdau departamentınıŋ direktory Dmitrii Şumekov.Sarapşylardyŋ aituynşa, äielderdıŋ zeinetkerlık jasyn arttyrudy eskere otyryp, jalpy eŋbekke qabılettı jastaǧy halyq sany aǧymdaǧy jyly 11,4 mln adamǧa jetedı (2021 jylǧy deŋgeimen salystyrǧanda 98 myŋǧa ösedı).
«Aǧymdaǧy jyly jūmys küşınıŋ sany 9,2-9,3 mln adamdy qūraidy, iaǧni jalpy ötken jyldyŋ deŋgeiınde saqtalady. Alaida, bızdıŋ boljamymyz boiynşa, elımızdıŋ üş ırı qalasynda ekonomikalyq belsendı halyqtyŋ jiyntyq sany osy qalalardaǧy jastar ülesınıŋ artuy saldarynan jäne köşı-qon sebepterı boiynşa 54 myŋ adamǧa ösedı», – dep bölıstı Dmitrii Şumekov.Sondai-aq, boljamdarǧa säikes, jūmyssyzdar sany 461-465 myŋ adam deŋgeiınde bolady, al jūmyssyzdyq deŋgeiı 5% - dan aspaidy. Bılım beru jüiesı tarapynan orta mekteptı şamamen 261 myŋ adam bıtıredı nemese tastap ketuı mümkın dep kütılude, onyŋ ışınde 109 myŋ adam – toǧyzynşy synyptan keiın, al 152 myŋ adam – 11 (12) synyptan keiın şyǧyp ketuı yqtimal. Kolledjderge osy sannan 131 myŋǧa juyq adam, joǧary oqu oryndaryna 103 myŋ adam barady. Qalǧan būrynǧy oquşylar qatarynan azamattar Qazaqstannan tys jerlerge şyǧady (~10 myŋ adam) nemese eŋbek naryǧyna şyǧady (~17 myŋ adam). Aǧymdaǧy jyly TjKB-ny şamamen 145 myŋ adam tabysty aiaqtaidy dep kütılude, onyŋ ışınde 90 myŋy – negızgı orta bılım bazasynda jäne 49 myŋy –jalpy orta bılım bazasynda, onyŋ ışınde şamamen 16,4 myŋ adam joǧary bılım beru ūiymdarynda oquyn jalǧastyrady. Būdan basqa, joǧary oqu oryndarynan joǧary bılımı bar 163,5 myŋ adam jäne joǧary oqu ornynan keiıngı bılımı bar 20 myŋǧa juyq adam şyǧarylatyn bolady. Jalpy alǧanda, bılım beru deŋgeilerı arasyndaǧy kürdelı auysulardy eskere otyryp, eŋbek naryǧyna şamamen 295 myŋ jūmysker şyǧady dep kütılude. Bazalyq ssenarii kezınde jaldamaly jūmysşylarǧa qajettılık, būryn aitylǧandai, 188,6 myŋ adamdy qūraidy. Tiısınşe, qalǧan 106 myŋ adam jeke nemese obektivtı sebepter boiynşa özın-özı jūmyspen qamtuǧa, onyŋ ışınde jeke käsıpkerler märtebesıne köşuı mümkın.
"Adyrna" ūlttyq portaly
