Ermek Narymbaıdy áýejaıdan kútip alýǵa barǵan 50-ge jýyq adam, bir saǵattan astam turyp, qaıtty. Olar áýejaıdyń kútý zalynda Ermek Narymbaıǵa bostandyq talap etip urandatty.
Ermek Narymbaı Qazaqstanǵa oralatynyn taıaýda, qańtardyń 23-ine áleýmettik jeli arqyly habarlaǵan. "Jaqynda Almatyda bolamyn. Bılikpen pen qoǵam arasynda dıalog bolady dep senemin, aq tý ustap baramyn. Balalarymmen kezdesýge múmkindik bola ma, joq pa, bilmeımin" dep jazǵan.
Keshe, aqpannyń 5-i kúni Kıevten Almatyǵa ushar aldynda da áleýmettik jelidegi paraqshasy arqyly tikeleı efırge shyǵyp, birneshe mınýttan soń ushaqqa otyratynyn habarlaǵan.
51 jastaǵy Ermek Narymbaı Qazaqstanda tutqyndalýy múmkin ekenin joqqa shyǵarmaıdy, biraq dál qazir ózin qamaý bılikke tıimsiz dep sanaıdy.
"Aqorda Qazaqstanǵa óz erkimmen kele jatqan meni abaqtyǵa otyrǵyzý paıdasyz ekenin, bedeline zor nuqsan keletinin túsinýge tıis" deıdi ol.
Ol abaqtyǵa qamalǵan kúnniń ózinde "uzaq otyrmaıtynyna" senimdi.
"Eger [túrmege] otyrǵyzatyn bolsa, ol uzaqqa sozylmaıdy dep senemin. Qazaqstanǵa meni shyǵaryp salyp, sonda qarsy alatyn jýrnalıster, blogerler, kóp adam bolady, sondyqtan meni tynysh qana tutqyndaı almaıdy. Uryp-soǵý men azaptaýǵa da tolyq daıynmyn, biraq ol bılikke tıimsiz. Meniń daýsym syrt jaqtan góri, ásirese dál qazir eldiń ishinde salmaqtyraq bolady» dep jazǵan Ermek Narymbaı. Ol halyqqa úndeýin "túrmede otyryp ta jazatynyn" aıtady.
2015 jylǵy qazanda Qazaqstan soty azamattyq belsendiler Ermek Narymbaı men Serikjan Mámbetalındi Murat Telibekovtiń "Veter s ýlıy" kitabynyń úzindisin áleýmettik jelige jarııalaǵany úshin sottaǵan. "Alaýyzdyq týdyrdy" degen aıyp taǵylǵan Narymbaı úsh jylǵa, Mámbetalın eki jylǵa bostandyǵynan aıyrylǵan.
Qazaqstandyq quqyq qorǵaýshylar qamaýdaǵy Narymbaı men Mámbetalındi "saıası tutqyndar" tizimine engizgen. Keıin ekeýi de isine "ókinetini" jaıly hat jarııalady. Narymbaı tergeý abaqtysynda bir aıdan astam ýaqyt ashtyq jarııalap jatty, 2016 jylǵy 22 aqpanda sot ony úı qamaǵyna aýystyrǵan soń belsendi ashtyǵyn toqtatty. Keıin apellıaııa soty onyń jazasyn jeńildetip, erkindigin úsh jylǵa shekteýge almastyrǵan. 2016 jylǵy shildede Ermek Narymbaı Qazaqstannan bıliktiń ruqsatynsyz Ýkraınaǵa ketip qaldy.
Esterińizge sala keteıik, Ermek Narymbaı 2010 jylǵy 1 mamyrda Almatyda sol kezdegi Qazaqstan prezıdenti Nursultan Nazarbaevtyń otstavkaǵa ketýin talap etken demokratııalyq kúshter jıynynda "Nazarbaev, ket!" dep urandaǵan. Sol kúni keshke ony polıııa ustap áketip, "tártip buzdy" degen aıyppen 15 táýlikke qamaǵan. Keıin qamaýda otyrǵan belsendige "sotqa qurmet kórsetpedi" jáne "polıeılerge qarsylasyp, kúsh kórsetti" degen aıyptar taǵyldy. Almatynyń Bostandyq aýdandyq soty osy eki aıyp boıynsha 2010 jylǵy 26 maýsymda Ermek Narymbaıdy tórt jylǵa bostandyǵynan aıyrdy. 2012 jylǵy 25 aqpanda bılik raqymshylyq jasap ony qamaýdan bosatqan.
"Adyrna" ulttyq portaly
