Osy turǵydan alǵanda ýnıversıtetter men ǵylymı-zertteý ınstıtýttardyń múmkindikterin biriktirý mańyzdy. Bul jumysty júıeli túrde uıymdastyrý úshin JOO men ǴZI arasynda kelisimderge qol qoıyldy.
Osy baǵytta birlesken jumysty atqarǵan uıymdar jaqsy nátıjege qol jetkizip jatqanyn kórip otyrmyz. Ál-Farabı atyndaǵy Qazaq ulttyq ýnıversıteti men Bıologııalyq qaýipsizdik problemalarynyń ǵylymı-zertteý ınstıtýtynyń yntymaqtastyǵyna úlgi retinde qaraýǵa bolady. Birlese jumys isteýdiń arqasynda «Vırýsologııa» atty jańa baǵdarlama ázirlenip, birlesken dıssertaııalyq Keńes quryldy. Sonymen qatar ýnıversıtet stýdentteri koronavırýsqa qarsy vakına jasaǵan ǵalymdarmen ózara baılanys ornatty, - dep jazdy mınıstr.
Joǵary oqý oryndary men ǴZI ıntegraııasy ne úshin qajet jáne onyń nátıjesi qandaı bolmaq?
1. ǴZI-larda jumys isteıtin jetekshi ǵalymdar joǵary oqý oryndaryna sabaq berýge tartylatyn bolady. Sondaı-aq olar stýdentterdiń ǵylymı jobalaryna jetekshilik etedi. Qol qoıylǵan kelisimsharttarǵa sáıkes birinshi kezeńde bul jumysqa 300 ǵalym qatysatyn boldy. Osy ýaqytqa deıin ǴZI-larda jumys isteıtin ǵalymdar bilim berý júıesine kóp aralaspady, degenmen olardyń stýdentterge sabaq berýi mańyzdy.
2. Joǵary oqý oryndary men ǴZI bastapqy kezeńde kadrlar daıarlaý úshin 500 bilim berý baǵdarlamasyn ázirleıdi. Ǵylymı zertteýlerdiń nátıjeleri bilim berý proesinde qoldanylatyn bolady. Sondaı-aq kadrlardy daıarlaý boıynsha birlesken jumys júrgiziledi.
3. Magıstranttar men doktoranttar ǵylymı-zertteý ınstıtýttaryna bara alady jáne olardyń laboratorııalary men bazasy olar úshin ashyq bolady. Kelisimder aıasynda Ulttyq ıadrolyq ortalyqta, Iadrolyq fızıka ınstıtýtynda, Ulttyq bıotehnologııalar ortalyǵynda, Bıologııalyq qaýipsizdik ınstıtýtynda jáne t.b. biregeı ǵylymı zerthanalarda taǵylymdamadan ótý týraly ýaǵdalastyq kózdelgen.
4. Sondaı-aq júzden astam birlesken dıssertaııalyq keńester jumysyn júrgizedi, olardyń quramyna joǵary oqý oryndarynyń, ǵylymı-zertteý ınstıtýttarynyń da qyzmetkerleri kiredi. Ókinishke qaraı, osy ýaqytqa deıin ǴZI ǵalymdary dıssertaııalyq keńesterdiń jumysyna asa aralaspaǵan.
5. E-lab aqparattyq júıesin qurý týraly sheshim qabyldadyq. Osy júıeniń kómegimen bizdiń ǵylymı qyzmetkerler elimizdiń qaı ýnıversıtetinde nemese ınstıtýtynda qandaı zerthana bar ekenin kóre alady jáne aldyn ala jazylyp, olardyń tehnıkalyq múmkindikterin paıdalana alady. Bul mańyzdy joba, óıtkeni bizdiń ýnıversıtetterde ártúrli zerthanalar bar jáne olardy tolyǵymen paıdalaný qajet.
Biz qabyldap jatqan sharalar ǵylymı zertteýlerdiń sapasyn jaqsartýǵa, ǵylymı kadrlardy daıarlaýdyń tıimdiligine baǵyttalǵanyn jáne talantty jastardy ǵylymǵa tartýǵa jáne qyzyqtyrýǵa kómektesetinin atap ótkim keledi, - dep jazdy Bilim jáne ǵylym mınıstri Ashat Aımaǵambetov.
"Adyrna" ulttyq portaly
