Qaŋtar aiyndaǧy qaiǧyly oqiǧalardan keiın äleumettık jelılerde tärtıpsızdıkter men tonau faktılerın, sondai-aq terrorizm men memlekettık töŋkerıs qimyldaryn terıske şyǧaru äreketı baiqala bastady. El azamattarynyŋ qoǧamdyq sanasyn baqylauǧa alu üşın aqparattyq küres jürgızuge tura keldı. Jaǧdaidyŋ uşyǧyp ketkenı sonşalyq, tonau äreketın dūrysqa şyǧaryp, jaqtaǧandar da tabylyp jatty. Tıptı, köp adamnyŋ bolmysynan ūiat ūǧymy kemıgendei körındı.
Terıs piǧyldylar beibıt şeruge şyqqan halyqty arandatyp, arty qantögıs qyrǧynǧa ūlasty. Jazyqsyz jandar japa şektı.
«Bastapqy kezde, men aityp ötkendei, beibıt narazylyq boldy. Keiın Almaty qalasynda saiasi miting ötkızıldı. Sodan soŋ şibörıdei qaptaǧan qaruly sodyrlar qalaǧa üş baǧyttan bas saldy. Basynda olar özderın beibıt demonstranttar retınde körsetıp, qūqyqtyq tärtıptı saqtauşy küşterdı, tıptı qala tūrǧyndaryn şatastyrdy. Al sodan keiın «Almaty tragediiasy» degen atau alyp, tarihqa enetın oqiǧa boldy», - dedı Qasym-Jomart Toqaev.Bügınde būlǧaqtan halyq ta, bilık te es jiyp ülgere qoiǧan joq. Beibıt şerudıŋ şyrqy būzylǧan sät jäne jappai tärtıpsızdıkter Sipaty özgergen şeru: Beibıt şerudı paidalanǧan sodyrlar toby bülık şyǧaryp, jaǧdai kürdelene tüstı. Qyzmettık kölıkterdı örtep, mülıkterdı ūrlai bastady. Strategiialyq maŋyzdy nysandardy basyp aluǧa talpynyp, beibıt tūrǧyndar men polisiia qyzmetkerlerın aiamady. Al äleumettık jaǧdaidyŋ dūrystaluyn talap etken beibıt şeruşılerdıŋ qalanyŋ būlai tas-talqanyn şyǧarmaityny beseneden belgılı bolatyn. Tonau: «Äi deitın äje, qoi deitın qoja joq» Dürbeleŋdı paidalanǧan bülıkşıler men ūry-qarylar iesız qalǧan dükender men bankomattarǧa şabuyl jasady. Yqtimal qylmyskerler qaru-jaraq dükenın tonap, azamattyq soǧys jolyna tüstı. Qara jäne qyzyl kürteşelengen toptar öz jolynda bärın qiratty. Memlekettık töŋkerıs jäne terrorizm Prezident Qasym-Jomart Toqaevtyŋ 20 myŋ terrorist turaly aitqan sözderı qoǧamda ülken rezonans tudyrdy:
«Sondyqtan banditter sany az bolǧanyn aityp, būl jaǧdaidy mysqylǧa ainaldyru jönsız dep oilaimyn. Şyn mänınde olar tolqyn-tolqynmen jürdı, olarǧa būiryq berılıp otyrǧany tüsınıktı jaǧdai», - dedı Qasym-Jomart Toqaev.Rasynda barşaǧa belgılı bolǧan jaidy tızıp şyǧudyŋ qajetı şamaly. Öitkenı bilıktı küşpen basyp aluǧa ärekettenu men küş qoldanyp beibıt tūrǧyndarǧa qasaqana zorlyq-zombylyq körsetu keşırılmeitın qylmys!
Oralbai MERGENBAIŪLY, «Adyrna» ūlttyq portaly
