Búgin Almaty oblysynyń ákimi Qanat Bozymbaev pen «AIRBA FF» JShS Dırektorlar keńesiniń tóraǵasy, «Tehnodom» kompanııasynyń negizin salýshy Edýard Kım osyndaı memorandýmǵa qol qoıdy.
Aldaǵy tańda Almaty oblysynda A+ klasty avtomattandyrylǵan, alańy 200 myń sharshy metr bolatyn Qazaqstandaǵy iri logıstıkalyq hab salynady. Sonyń nátıjesinde oblysqa 200 mln. AQSh dollary kóleminde ınvestıııa tartylyp, 1,5 myń jumys orny ashylady.
Qol jetkizilgen kelisimge sáıkes mańyzdy ınvestıııalyq joba aldaǵy 5 jylda birneshe kezeńmen iske asyrylady. Keshen Ile aýdanynda ornalaspaq.
Jalpy «AIRBA FF» JShS — ıfrlyq tehnologııalardy toptastyrýmen qatar qoıma ınfraqurylymyn, kýrerlik jetkizý qyzmetin, tapsyrysyn klıenttiń ózi baryp alatyn pýnkt retinde de naqty sektorda jumys isteıdi. Bul – qoımalaý, magıstraldy logıstıka, klıentter pen seriktesterge jetkizip berý isimen aınalysatyn elimizdegi tuńǵysh operator.
- Bul - buryn Almaty oblysynda bolmaǵan óte tartymdy ári mańyzdy joba. Zamanaýı ıfrlyq tehnologııalardy qoldaný ereksheligin eskersek, naǵyz jańa dáýirge laıyq deýge bolady. Birinshiden, bizdiń agrarlyq saladaǵy sharýashylyqtarymyzdyń óz ónimin ótkizýine jaǵdaı jasaıdy. Elimizdiń agroónerkásiptik keshenindegi ónim kóleminiń 28-30%-in Almaty oblysy óndiretinin eskersek, bul - biz úshin úlken múmkindik. - dedi Q.Bozymbaev.
