Búgin QR Parlamenti Májilisiniń depýtaty Janarbek Áshimjan Taldyqorǵan qalasynda «Qańtar oqıǵasyna» baılanysty qamalǵandarmen, olardyń týystarymen kezdesti.
Kezdesýge 150-ge jýyq ata-ana men qamalǵandardyń týystary keldi. Olar depýtatqa tergeý ızolıatorynyń basshylarymen kezdestirýdi, sondaı-aq, qamaý ornyna kirip, máseleni óz kózimen kórýge shaqyrdy. Usynysty qabyl alǵan Májilis depýtaty tergeý ızolıatoryna kirip, qamaýdaǵy 93 adamnyń árqaısymen jeke sóılesip, barlyq usynys, aryz-shaǵymdaryn tyńdady. Sondaı-aq onyń qorytyndysy boıynsha ata-analaryna jeke-jeke aqparat berdi. Al erteń tergeý ızolıatorynyń basshysy qamalǵandardyń týystarymen taǵy kezdesip, aqparat beredi.
Kezdesýge májilis depýtatymen birge Almaty oblysy prokýratýrasynyń Arnaıy prokýrorlar basqarmasynyń bastyǵy Ermek Jaqsybaev, Almaty oblysy prokýrorynyń orynbasary Ilııas Beskempirov, Almaty oblysy ishki saıasat basqarmasynyń basshysy Bolat Kerimbek, «Nur Otan» partııasy Almaty oblystyq fılıaly tóraǵasynyń orynbasary, Saıası keńes Bıýrosynyń múshesi Serik Nurqadyrov qatysty.
Májilis depýtaty kezdesý qorytyndysy boıynsha jurtshylyqqa keńirek aqparat beretini týraly habarlady.
QR IIM málimeti boıynsha jappaı tártipsizdik kezeńinde Almaty oblysynda qylmys jasady degen kúdikpen 116 adam ustalǵan. Onyń ishinde 44 adamǵa qatysty kúzetpen ustaý túrindegi bultartpaý sharasy qoldanylyp, 9 adam bosatylǵan.
Qazirgi kezde 93 adam qalalyq tergeý ızolıatorynda qamaýda. Oblystyq Polıııa departamentiniń óndirisinde 390 qylmystyq is bar.
Azaptaýlar týraly árbir shaǵymǵa Ishki ister mınıstriniń tapsyrmasy boıynsha prokýratýra organdarymen qatar IIM-niń Ózindik qaýipsizdik organdary jiti tekserýde. Qandaı da bir quqyqtar buzylǵan jaǵdaıda, azamattar Bas prokýratýranyń koll-ortalyǵyna 115 telefony arqyly habarlasa alady.
Jalpy oblys boıynsha «Qańtar oqıǵasy» kezinde 758 adam zardap shekken, onyń ishinde 643-i polıııa qyzmetkeri, 78-i áskerıler, 37-si beıbit turǵyn. 8 ákimshilik ǵımarat, 68 qyzmettik kólik zaqymdandy, onyń 7-eýi tolyǵymen janyp ketken, sondaı-aq 512 qarý urlanǵan.
“Adyrna” ulttyq portaly
