Memleket basşysy Qasym-Jomart Toqaev aldaǧy joldauda qaŋtar oqiǧasyna qatysty tergeu qorytyndylary turaly aitady, dep habarlaidy "Adyrna" ūlttyq portaly. Būl turaly Prezidenttıŋ baspasöz hatşysy Berık Uäli özınıŋ feisbuk paraqşasynda jazdy.
"Memleket basşysy qaŋtar oqiǧasy boiynşa aldyn-ala tergeu jūmystarynyŋ qorytyndylaryn nauryzdaǧy Qazaqstan halqyna Joldauynda jariialaitynyn josparlap otyr. Qasym-Jomart Toqaev «Qazaqstan» telearnasyna bergen keşegı sūhbatynda aitqanyndai, halyqtan eşteŋenı jasyryp qalmaidy. Barlyq aqparat jariia etıledı. Qazır tiıstı organdar auqymdy tergeu jūmystaryn jürgızude. Būǧan bıraz uaqyt kerek. Prezident sūhbat barysynda atap ötkendei, qoǧamdaǧy eŋ maŋyzdy mäsele – zaŋ üstemdıgı. Däl osy qūqyqtyq prinsip negızınde qaŋtar oqiǧasy barysynda ūstalǧan azamattardyŋ jauapkerşılık mäselesı şeşıledı. Olardyŋ basym köpşılıgınıŋ jazasy jeŋıldetılgenı mälım. Jüzdegen adam tergeu izoliatorynan bosatyldy. Qamaudaǧy azamattardyŋ qūqyqtaryn qorǧau jūmystary jürgızılıp jatyr. Qūqyq qorǧau organdary qyzmetkerlerınıŋ zaŋsyz ıs-äreketterıne bailanysty da tekseru jürgızılude. Sonymen qatar auyr qylmys (kısı öltıru, tonau, qaraqşylyq jäne t.b.) jasaǧandar zaŋǧa säikes jazaǧa tartylady, - dep jazdy Berık Uäli.Onyŋ aituynşa, Prezident nauryzdyŋ ortasynda jasaityn Joldauynda saiasi reformalar boiynşa öz baǧdarlamasyn ūsynady.
Sondai-aq Memleket basşysynyŋ keşegı sūhbaty körermen qauymnyŋ zor qyzyǧuşylyǧyn tuǧyzǧanyn atap ötkım keledı. Būl elımızdıŋ aqparat keŋıstıgındegı maŋyzdy taqyrypqa ainalyp ülgerdı dep aituǧa bolady. Oǧan älemnıŋ jetekşı agenttıkterı belsendı türde sılteme jasauda. Qasym-Jomart Kemelūly qatty suyq tigızıp alǧanyna qaramastan, bergen uädesınde tūrdy. Prezident otandastarymyzdyŋ atalǧan mäselege erekşe alaŋdap otyrǧanyn eskerıp, ūlttyq telearnanyŋ tılşısıne beretın sūhbatyn keiınge şegermedı",- dedı ol.
"Adyrna" ūlttyq portaly
