Qazaqstandyq rejisser Asqar Ūzabaev pen prodiuser Baian Maqsatqyzynyŋ (reseilık bırlesken prodiuser Annka Kachko) otbasyndaǧy zorlyq-zombylyq problemasy turaly «Baqyt» körkem filmı Berlin kinofestivalınde «Panorama» bölımınde «Körermen közaiymy» jüldesın jeŋıp aldy, dep habarlaidy "Adyrna" ūlttyq portaly.
Panoramada jeŋımpazdy kinoindustriia mamandarynan qūralǧan qazylar alqasy emes, körgennen keiın dauys beretın şynaiy körermender anyqtaidy. Biylǧy jyly nominasiiaǧa 29 kartina qoiyldy.
«Baqyt» filmınıŋ qorytyndy epizodynda BŪŪ mälımetterı boiynşa Qazaqstanda jyl saiyn 400-ge juyq äiel tūrmystyq zorlyq-zombylyqtan öletını, orta eseppen aiyna 120 zorlau, 5232 ūryp-soǧu, 72 dene jaraqatyn salu, 14 kısı öltıru jäne 48 özın-özı öltıru faktılerı aitylady.
2016 jyly küieuınen zorlyq körgen Baian Maqsatqyzy Current Time basylymyna bergen sūhbatynda ssenariidegı köp närsenıŋ öz ömırınen alynǧanyn aitty.
«Men eldegı otbasylyq şyndyqtyŋ Europada körınuın qaladym, sonda ol menıŋ elımde öz nätijesın beretın bolady. Men otbasylyq zorlyq-zombylyq turaly zaŋnyŋ jūmys ıstegenın qalaimyn. Soŋynda adamdar mūndai zaŋsyz ärekettı ısteu mümkın emes ekenın tüsınıp, jazalanatyn bolady. Berlindegı älemdık premera äiteuır äser etedı dep senemın», – deidı Maqsatqyzy.Film prodiuser esebınen jäne kraudfanding kezınde jinalǧan aqşaǧa tüsırıldı.
"Adyrna" ūlttyq portaly
