Qazaqstandyq rejısser Asqar Uzabaev pen prodıýser Baıan Maqsatqyzynyń (reseılik birlesken prodıýser Annka Kachko) otbasyndaǵy zorlyq-zombylyq problemasy týraly «Baqyt» kórkem fılmi Berlın kınofestıvalinde «Panorama» bóliminde «Kórermen kózaıymy» júldesin jeńip aldy, dep habarlaıdy "Adyrna" ulttyq portaly.
Panoramada jeńimpazdy kınoındýstrııa mamandarynan quralǵan qazylar alqasy emes, kórgennen keıin daýys beretin shynaıy kórermender anyqtaıdy. Bıylǵy jyly nomınaııaǵa 29 kartına qoıyldy.
«Baqyt» fılminiń qorytyndy epızodynda BUU málimetteri boıynsha Qazaqstanda jyl saıyn 400-ge jýyq áıel turmystyq zorlyq-zombylyqtan óletini, orta eseppen aıyna 120 zorlaý, 5232 uryp-soǵý, 72 dene jaraqatyn salý, 14 kisi óltirý jáne 48 ózin-ózi óltirý faktileri aıtylady.
2016 jyly kúıeýinen zorlyq kórgen Baıan Maqsatqyzy Current Time basylymyna bergen suhbatynda senarııdegi kóp nárseniń óz ómirinen alynǵanyn aıtty.
«Men eldegi otbasylyq shyndyqtyń Eýropada kórinýin qaladym, sonda ol meniń elimde óz nátıjesin beretin bolady. Men otbasylyq zorlyq-zombylyq týraly zańnyń jumys istegenin qalaımyn. Sońynda adamdar mundaı zańsyz áreketti isteý múmkin emes ekenin túsinip, jazalanatyn bolady. Berlındegi álemdik premera áıteýir áser etedi dep senemin», – deıdi Maqsatqyzy.
Fılm prodıýser esebinen jáne kraýdfandıng kezinde jınalǵan aqshaǵa túsirildi.
"Adyrna" ulttyq portaly
