Aqorda rezidensiiasynda 7 memlekettıŋ tötenşe jäne ökılettı elşılerınıŋ Qazaqstan Prezidentıne senım gramotalaryn tapsyru räsımı öttı. Senım gramotalaryn Moŋǧoliia elşısı Dorj Baiarhuu, Grekiia elşısı Eftaliia Kakiopulu, İndoneziia elşısı Mohamad Fadjrul Rahman, Marokko elşısı Muhammed Raşid Maaninu, Kanada elşısı Alan Uilfred Hemson, İzrail elşısı Edvin Natan Iаbo Glusman, Majarstan elşısı Otto İvan Rona tapsyrdy, dep habarlaidy "Adyrna" ūlttyq portaly.
Qasym-Jomart Toqaev elşılerdı Qazaqstandaǧy diplomatiialyq missiialarynyŋ resmi bastaluymen qūttyqtap, elımızdegı igı mındetterın oryndau barysynda olarǧa Prezident Äkımşılıgı men Qazaqstan Ükımetı tarapy jan-jaqty qoldau körsetetının jäne kömektesetının aitty.
Memleket basşysy 2022 jyldyŋ tarihi data, iaǧni Qazaqstan men olardyŋ elderı arasyndaǧy diplomatiialyq qatynastardyŋ 30 jyldyǧy ekenın atap öttı.
Memleket basşysynyŋ pıkırınşe, būl biylǧy jyldyŋ alǧaşqy künderı ışkı jäne syrtqy destruktivtı küşter Qazaqstanǧa auyr ärı qatygezdıkpen şabuyl jasaǧanda anyq körındı. Qasym-Jomart Toqaev qazaqstandyqtardyŋ tabandylyǧy men ūjymdyq parasattylyǧynyŋ arqasynda memlekettık töŋkerıs jasauşylarǧa toitarys berılgenın, al bülıkşıler men būzaqylardyŋ jauapqa tartylǧanyn jetkızdı.
Qazaqstan Prezidentı halyqaralyq serıktesterın elımız bastan ötkerıp otyrǧan osyndai syn saǧatta Qazaqstanǧa degen berık yntymaqtastyǧyn tanytuǧa şaqyrdy.
Prezident Moŋǧoliia elşısıne ekı memlekettıŋ tarihi jaqyndyǧy jönınde aityp, Monǧoliia men Qazaqstannyŋ Şyǧys Aziiadaǧy maŋyzdy serıktesınıŋ bırı ekenıne nazar audardy.
Memleket basşysy Grekiiamen aradaǧy yntymaqtastyqtyŋ ūdaiy keŋeiıp kele jatqanyn atap ötıp, būl el Qazaqstannyŋ Europa Odaǧyndaǧy jäne Jerorta teŋızı aumaǧyndaǧy maŋyzdy serıktesı ekenıne toqtaldy.
Memleket basşysy İndoneziiamen tyǧyz qarym-qatynasty damytu Qazaqstannyŋ Ontüstık-Şyǧys Aziiadaǧy syrtqy saiasatynyŋ ajyramas bölıgı ekenın aitty.
Memleket basşysy Marokkomen qarym-qatynastar turaly aita kele, būl elmen aradaǧy yntymaqtastyqty damytu Qazaqstannyŋ Batys Afrikadaǧy startegiialyq basym baǧyttarynyŋ bırı ekenın atap öttı.
Qasym-Jomart Toqaev Kanadanyŋ Batys jarty şardaǧy Qazaqstannyŋ senımdı ärı jaqyn serıktesı ekenıne erekşe toqtalyp, sauda-ekonomikalyq, investisiialyq salalardaǧy, öŋırlık jäne halyqaralyq qauıpsızdıktı, zaŋ üstemdıgı men adam qūqyqtaryn qamtamasyz etu ısındegı tabysty yntymaqtastyqty atap öttı.
Qazaqstan Prezidentı İzrail elşısıne ekı eldıŋ berık adami bailanystarǧa, jan-jaqty yntymaqtastyqqa, ortaq qūnydylyqtar men özara müddelerge negızdelgen jaqsy qarym-qatynastardy tūraqty saqtap kele jatqanyn atap öttı.
Qasym-Jomart Toqaev Majarstanmen arada berık tarihi-mädeni bailanystarǧa, sondai-aq ortaq qūndylyqtar men müddelerge negızdelgen şynaiy strategiialyq serıktestıktıŋ ornaǧanyn rizaşylyqpen atap öttı.

– Osy jyldar ışınde bız barlyq sala boiynşa jan-jaqty serıktestık pen özara tiımdı yntymaqtastyqty jolǧa qoidyq. Būl baǧyt tūraqty saiasi dialogty, qarqyndy ekonomikalyq yqpaldastyqty jäne belsendı gumanitarlyq bailanystardy qamtidy. Eŋ bastysy, bızdıŋ qarym-qatynasymyz myzǧymas dostyqqa, ortaq qūndylyqtarǧa jäne özara qoldau körsetuge negızdelgen, – dedı Prezident.

– «Qaŋtar oqiǧasynan» keiın men kek aluǧa nemese jıkşıldık jasauǧa ūmtylmaimyn. El Prezidentı retınde Qazaqstan azamattarynyŋ jıkke bölınuın emes, bırıguın asa maŋyzdy basymdyq sanaimyn. Sondyqtan Jaŋa Qazaqstan tūjyrymdamasyn ūsyndym. Būl qūjat etnosaralyq kelısım men köpvektorly syrtqy saiasat siiaqty aiqyn jetıstıkterımızden bas tartpai, ötken kezeŋde jıberılgen ädıletsızdıkterden qūtyluǧa negızdelgen. Menıŋ jasampaz jūrtym būl synaqtan būrynǧydan da küştı, berekelı, bolaşaǧynan ümıt kütetın jäne öz memlekettılıgın, egemendıgın jäne aumaqtyq tūtastyǧyn saqtauǧa belın bekem buǧan halyq bolyp şyǧady, – dedı Qasym-Jomart Toqaev.

– Menıŋ Äkımşılıgım öz tarapynan auqymdy saiasi jäne ekonomikalyq reformalardy jüzege asyrady, investisiialyq kelısım-şarttarǧa qol sūǧylmauyn qamtamasyz etedı jäne sybailas jemqorlyqpen toqtausyz küresedı. Sızderdı pandemiiadan keiıngı kezeŋde özderıŋızdıŋ diplomatiialyq jäne saiasi mol täjıribelerıŋızdı ekıjaqty qatynastarymyzdy jaŋa biıkke köteru üşın paidalanuǧa şaqyramyn. Qazaqstan sızderdıŋ memleketterıŋızben aradaǧy ekıjaqty jäne köpjaqty bailanystardy odan ärı jan-jaqty nyǧaituǧa daiyn, – dedı Memleket basşysy.


– Jaqyn körşı bolǧandyqtan jäne ortaq qūndylyqtarymyzǧa män bere otyryp, özara yqpaldastyqty, äsırese sauda-ekonomikalyq salada keŋeituge zor mümkındık bar ekenın aitqym keledı. Būdan bölek azamattarymyzdyŋ arasyndaǧy qatynastar da maŋyzdy röl atqarady. Moŋǧoliiada tūratyn jüz myŋnan astam etnikalyq qazaq –halyqtarymyz arasyndaǧy dostyqtyŋ altyn köpırı, – dedı Qasym-Jomart Toqaev.


– Qazaqstandaǧy on myŋdaǧan grek diasporasy bızdıŋ halyqtarymyz arasyndaǧy mäŋgılık dostyq pen özara tiımdı ıs-qimyldyŋ simvoly sanalady. Bız, äsırese auyl şaruaşylyǧy, turizm jäne qūrylys salalaryndaǧy jaŋa mümkındıkterdı paidalanamyz dep ümıttenemın, – dedı Prezident.


– Bız ekıjaqty jäne köpjaqty negızde ortaq müddelerı bar serıktespız. Euraziialyq ekonomikalyq odaqqa müşe boluymen qatar «Bır beldeu, bır jol» bastamasyndaǧy Qazaqstannyŋ negızgı rölı ASEAN elderımen, sonyŋ ışınde İndoneziiamen yntymaqtastyqty nyǧaitu üşın jaŋa mümkındıkterge jol aşady, – dedı Prezident.


– Bız investisiialyq bastamalardy jüzege asyru jäne ekıjaqty sauda-sattyqty keŋeitu üşın Marokkomen özara küş bırıktıruge daiynbyz, – dedı Prezident.


– Qazaqstan men Kanada – halqy az bolǧanymen, ırı memleketter. Bızdıŋ ūlttyq bailanystardy damytu jäne öŋırlık teŋgerımdılıktı qamtamasyz etu jönındegı mındetterımız ortaq. Men tau-ken öndıru jäne auyr önerkäsıp, auyl şaruaşylyǧy men jaŋartylatyn energiia közderı, infraqūrylym jäne aqyldy qalalar, aqparattyq tehnologiialar men aeroǧaryş salalarynda köptegen mümkındıkter bar ekenın bılemın, – dedı Prezident.


– Barlyq deŋgeidegı qarqyndy ıs-qimyldar, sonyŋ ışınde Sauda-ekonomikalyq yntymaqtastyq jönındegı ükımetaralyq komissiiadaǧy yqpaldastyq, serıktestıgımızge jaŋa mümkındıkter aşyp, özara igılımızge qyzmet etedı. Qazaqstan sızdıŋ elmen aradaǧy jan-jaqty qarym-qatynastardy odan ärı keŋeituge, äsırese bılım beru, önerkäsıptık öndırıs, joǧary tehnologiialar jäne basqa da salalardaǧy bailanystardy nyǧaituǧa niettı, – dedı Memleket basşysy.


– Bızdıŋ elderımız qarqyndy damyp kele jatqan ekı naryqtyŋ ortasynda öte tiımdı ornalasqan. Atap aitqanda, aumaǧymyz bır jaǧynan, Euraziia aimaǧyn, ekınşı jaǧynan Europa odaǧyn qamtidy. Mūnyŋ bızge paidasy zor. Osynyŋ arqasynda bızdıŋ käsıporyndarymyzǧa ärtürlı sala boiynşa yntymaqtastyq ornatu üşın mol mümkındıkterge jol aşylady. Bügınde energetika, kölık jäne logistika, farmasevtika jäne tamaq önerkäsıbı salalarynda jemıstı qarym-qatynas jasap kelemız. Bız auyl şaruaşylyǧy, «jasyl» ekonomika, atom energetikasy, ornyqty önerkäsıp, sifrlandyru jäne qarjy salalaryndaǧy bailanystarymyzdy keŋeituge niettımız, – dedı Memleket basşysy.Jiyn soŋynda Qazaqstan Prezidentı diplomattarǧa tabys tılep, olardyŋ memleketterınıŋ basşylaryna jürekjardy sälemın joldady.
"Adyrna" ūlttyq portaly