1 naýryzda búkil Qazaqstan boıynsha sırenalar oınaıdy. Elimizde azamattyq qorǵaýdyń eskertý júıesine respýblıkalyq tekserý júrgiziledi, - dep habarlaıdy "Adyrna" portalynyń tilshisi QR Tótenshe jaǵdaılar mınıstrliginiń baspasóz qyzmetine silteme jasap.
2022 jylǵy 1 naýryzda Dúnıejúzilik Azamattyq qorǵanys kúnin merekeleý aıasynda saǵat 09.00-den 12.00-ge deıin azamattyq qorǵaýdyń eskertý júıesine respýblıkalyq tekserý júrgizý josparlanýda.
"Tótenshe jaǵdaılar týraly halyqty eskertý jáne habardar etý turǵyndardy kez kelgen apattyń jaǵymsyz saldarynan nemese tabıǵat qubylystarynyń ártúrli faktorlarynyń áserinen bolatyn joıqyn áserlerden qorǵaýǵa múmkindik beretin negizgi qaýipsizdik sharasy bolyp tabylady. Eskertý júıesin tekserý kezinde elektr sırenalary men sırena qurylǵylary qysqa ýaqytqa qosylady dep boljanǵan (daýys zoraıtqyshtar), sondaı-aq tele-jáne radıoarnalardyń efırin ustap turý, ınternet-resýrstar men mobıldi qosymshalarda aqparatty ornalastyrý múmkindikteri tekseriledi" delindi TJM hatynda.
Qutqarýshylardyń aıtýynsha, «Nazar aýdaramyz!» dybystyq sıgnaly qaýip tóngen nemese tótenshe jaǵdaı kezinde barlyq shuǵyl habarlamalar jiberilgenge deıin halyqtyń nazaryn aýdarý úshin beriletin eskertý sıgnaly bolyp tabylady. Dybystyq sıgnaldy estigen kezde teledıdarlar men radıolardy qosý kerek, bul jaǵdaıda qalaı áreket etý kerektigi týraly nusqaýlar alý úshin Internet resýrstary men mobıldi qosymshalardaǵy aqparatty oqý kerek.
"Sonymen qatar qaýipti óndiristik obektiler men gıdrotehnıkalyq qurylystardaǵy jergilikti qulaqtandyrý júıeleriniń jumysqa jaramdylyǵy tekseriletin bolady. Eskertý júıesiniń respýblıkalyq tekserýi dabyl jabdyǵyn ustaýǵa jáne halyqty bolýy múmkin tótenshe jaǵdaılardan qorǵaýǵa baǵyttalǵan", - dep tolyqtyrdy TJM.
"Adyrna" ulttyq portaly
