1 ناۋرىزدا بۇكىل قازاقستان بويىنشا سيرەنالار وينايدى. ەلىمىزدە ازاماتتىق قورعاۋدىڭ ەسكەرتۋ جۇيەسىنە رەسپۋبليكالىق تەكسەرۋ جۇرگىزىلەدى، - دەپ حابارلايدى "ادىرنا" پورتالىنىڭ ءتىلشىسى قر توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
2022 جىلعى 1 ناۋرىزدا دۇنيەجۇزىلىك ازاماتتىق قورعانىس كۇنىن مەرەكەلەۋ اياسىندا ساعات 09.00-دەن 12.00-گە دەيىن ازاماتتىق قورعاۋدىڭ ەسكەرتۋ جۇيەسىنە رەسپۋبليكالىق تەكسەرۋ جۇرگىزۋ جوسپارلانۋدا.
"توتەنشە جاعدايلار تۋرالى حالىقتى ەسكەرتۋ جانە حاباردار ەتۋ تۇرعىنداردى كەز كەلگەن اپاتتىڭ جاعىمسىز سالدارىنان نەمەسە تابيعات قۇبىلىستارىنىڭ ءارتۇرلى فاكتورلارىنىڭ اسەرىنەن بولاتىن جويقىن اسەرلەردەن قورعاۋعا مۇمكىندىك بەرەتىن نەگىزگى قاۋىپسىزدىك شاراسى بولىپ تابىلادى. ەسكەرتۋ جۇيەسىن تەكسەرۋ كەزىندە ەلەكتر سيرەنالارى مەن سيرەنا قۇرىلعىلارى قىسقا ۋاقىتقا قوسىلادى دەپ بولجانعان (داۋىس زورايتقىشتار), سونداي-اق تەلە-جانە راديوارنالاردىڭ ەفيرىن ۇستاپ تۇرۋ، ينتەرنەت-رەسۋرستار مەن ءموبيلدى قوسىمشالاردا اقپاراتتى ورنالاستىرۋ مۇمكىندىكتەرى تەكسەرىلەدى" دەلىندى تجم حاتىندا.
قۇتقارۋشىلاردىڭ ايتۋىنشا، «نازار اۋدارامىز!» دىبىستىق سيگنالى قاۋىپ تونگەن نەمەسە توتەنشە جاعداي كەزىندە بارلىق شۇعىل حابارلامالار جىبەرىلگەنگە دەيىن حالىقتىڭ نازارىن اۋدارۋ ءۇشىن بەرىلەتىن ەسكەرتۋ سيگنالى بولىپ تابىلادى. دىبىستىق سيگنالدى ەستىگەن كەزدە تەلەديدارلار مەن راديولاردى قوسۋ كەرەك، بۇل جاعدايدا قالاي ارەكەت ەتۋ كەرەكتىگى تۋرالى نۇسقاۋلار الۋ ءۇشىن ينتەرنەت رەسۋرستارى مەن ءموبيلدى قوسىمشالارداعى اقپاراتتى وقۋ كەرەك.
"سونىمەن قاتار قاۋىپتى وندىرىستىك وبەكتىلەر مەن گيدروتەحنيكالىق قۇرىلىستارداعى جەرگىلىكتى قۇلاقتاندىرۋ جۇيەلەرىنىڭ جۇمىسقا جارامدىلىعى تەكسەرىلەتىن بولادى. ەسكەرتۋ جۇيەسىنىڭ رەسپۋبليكالىق تەكسەرۋى دابىل جابدىعىن ۇستاۋعا جانە حالىقتى بولۋى مۇمكىن توتەنشە جاعدايلاردان قورعاۋعا باعىتتالعان", - دەپ تولىقتىردى تجم.
"ادىرنا" ۇلتتىق پورتالى
