“Aq jol” partiiasy qamauda otyrǧan 42 jastyŋ aryzyn Bas prokuratuǧa joldady. Olardyŋ bırazy bügınde qamaudan bosap şyqty.
Mäjılıs deputattary, “Aq jol” partiiasy töraǧasy Azat Peruaşev pen “Aq jol” partiiasy töraǧasy orynbasary Qazybek İsa
18 aqpanda Tarazdaǧy tergeu izoliiatorynda tūtqyndarmen kezdestı.
Olar jappai tärtıpsızdık jasaǧan 68 adam ūstalyp otyrǧan #158-1 tergeu izoliiatoryna
(13-şı izoliator deidı el) bardy.
Azat Peruaşev pen Qazybek İsa 6 qapasty (kamera), ärqaisysynda 10-12 adam otyr, aralap kördı. Onda azaptau, ūryp-soǧu jaǧdailary, qamauda ūstau jaǧdailary, olardyŋ qūqyqtarynyŋ būzyluy bolǧan-bolmaǧany turaly sūrady.
Ūstalǧandar qysqa ǧana “şaǧymdar joq», «bärı jaqsy»dep jauap bergendıkten, deputattar jeke söilesuge niet bıldırgenderge uaqytşa ūstau izoliatory qyzmetkerlerınıŋ qatysuynsyz, mekeme basşylyǧy daiyndaǧan baqylau kameralarynsyz jeke bölmede oŋaşa söilesudı ūsyndy. Mūndai tılektı 14 adam aityp, deputattar ärqaisysyn bölek qabyldap, jan-jaqty äŋgımelesu boldy. Äŋgıme 4 saǧatqa sozyldy.
Ūstalǧandarmen äŋgıme barysynda myna jaǧdailar anyqtaldy:
- Bır-ekeuın qospaǧanda, ūstalǧandardyŋ denı 18 ben 24 jas aralyǧynda eken.
- Tūtqynǧa alynǧandardyŋ jartysynan köbı qamau kezınde olarǧa qarsy küş qoldanylǧanyn aitty. Ūstalǧandardy UŪİ-da ūstaǧan alǧaşqy künderı azaptau men ūryp-soǧu turaly üş mälımet aityldy. Deputattarǧa qatygezdıgımen erekşelengen üş tergeuşınıŋ naqty aty-jönı ataldy, olardyŋ bıreuın tergeu izoliatoryndaǧy qamaudaǧylar jäne olardan bölek keŋsedegı qabyldauǧa kelgen basqa küdıktınıŋ anasy da atap ötken bolatyn.
– Tergeu izoliatoryna tüskennen keiın eşqandai azaptaular men ūryp-soǧular bolǧan joq – mūny qamaudaǧylardyŋ barlyǧy rastady.
- Üş jaǧdaidy qospaǧanda, qalǧan aryzdanuşylar qamauǧa aludyŋ belgılı bır negızderı bolǧanyn moiyndaidy. Eŋ köp taralǧan negızder - ūrlyq jäne qaru ūstau. Ūstalǧandardyŋ aituynşa, tärtıpsızdıkter kezınde jäne odan keiın IID ǧimaratynyŋ janyndaǧy saiabaqta avtomattar, tapanşalar, karabinder jäne basqa da qarular emın-erkın şaşylyp jatqan jäne sömkelerge toltyrylyp qoiylǧan. Ol jaqtan bıreuler bır qorap oq, bıreu 4 pulemet, bıreu 4 avtomat, bıreulerı tapanşalar alǧan. Qiratulardyŋ, örtenıp jatqan äkımdık ǧimaraty aldynda selfi jasap, jeke telefonyna video tüsırgennıŋ nätijesınde ūstalǧan adamdar da bar eken. Bıreu taŋǧy saǧat 4-te dosymen bırge onsyz da talan-tarajǧa tüsken äkımdıkke baryp, ondaǧy tehnikany talqandasa, endı bırı (onyŋ aituynşa) äkımdıktıŋ mörın köşeden tauyp, alyp ketken.
– Jeke äŋgımede ūstalǧandardyŋ barlyǧy derlık jalpy köŋıl-küige boi aldyryp, «qyzyq bolǧany üşın şyqtyq», «qyzyǧuşylyqpen bardym» dep aitty.
– Memlekettık advokattardyŋ äreketsızdıgı men enjarlyǧyna şaǧymdar köp, jeke advokattardy jūmysqa aluǧa qarajat joq. Osyǧan bailanysty, memlekettık qorǧauşyny auystyru turaly ötınışter, sondai-aq ekı ötınış – Ūlttyq ūlannyŋ qūtqarylǧan sarbazyn kuälıkke şaqyru turaly ötınışterı jazylǧan, ekınşı jaǧdaida qarudy öz erkımen qaitaruǧa ündeuler, äkımdık ǧimaratyna ört söndıruşı mäşine şaqyrǧany jäne tb. aitylǧan telefon qoŋyraularynyŋ detalizasiiasyn aluǧa kömektesu turaly aityldy.
Jeke qabyldauǧa jazylǧan tergeu izoliiatorynda otyrǧan jas jıgıtterge Azat Peruaşev qatelıktterın tüsındıre otyryp, ülken jıger berdı. “Aldaryŋda ömırlerıŋ kütıp tūr, soǧan jetu jolynda jaqsylyqtan ümıt üzbeŋder! Ruhtaryŋdy tüsırmei, qairat körsetıp, öz bolaşaqtaryŋdy jarqyn etu jolynda äreket jasaŋdar! Bızdı de habarda ūstaŋyzdar, kömek qolyn sozuǧa daiynbyz!” - dep ruhani quat berdı. Qamau qapasynda otyrǧan jas jıgıtter qabyldaulardan janarlarynda ümıt oty paida bolyp, eŋselerın tık ūstap şyqty.
Azat Tūrlybekūly bailanysty üzbei, özıne nemese Qazybek Jarylqasynūlyna hat jazuǧa, tym bolmasa şartty ne merzımnen būryn (UDO) bosatudy sūraudy, būl da jaǧdaidy aitarlyqtai jeŋıldetuı mümkın ekenın tılge tiek ettı.
Deputattardyŋ ötınışı naqty kepıldık bermeitının, soŋǧy şeşımdı sot şyǧaratynyn jetkızdı. Qandai ükım şyǧarylǧan jaǧdaida da, ädıletsız dep sanap, kelıspegenderge tabandylyq tanytyp, apelliasiialyq şaǧym tüsıruge şaqyrdy.
- Jalpy, oqiǧa barysynda arandap qalǧandarǧa adamgerşılık tanytu (şynaiy ūiymdastyruşylardy jauapqa tartumen qatar) qoǧamdaǧy bırlıktı saqtauǧa jäne jıkke bölınu qaupın eŋseruge septıgın tigızer edı dep oilaimyn, - dedı A.Peruaşev.
Qazybek İsa:
JAZA BASQAN JASTARǦA KEŞIRIM JASALUY TİIS!
—Tarazdaǧy tergeu izoliiatorynda 6 qapasta (kamera) 68 azamat otyr eken. Bärıne kırıp, közbe-köz söilesıp şyqtyq. Qai qapasqa kırsek te, bärı sapqa tūryp, kezekşısı bırden “eşqandai şaǧymymyz joq, bärı dūrys” dep baiandaidy.
“Jazyqsyz otyrmyn deitınder nemese moinyma ıstemegen qylmysty zorlyqpen ılude, azaptap, ūryp-soqty” deitınder bolsa, oŋaşa kabinette jeke qabyldauǧa bolady” dep edık, 6 qapastan 14 jıgıt jazyldy.
Būl 14-ınıŋ de aitar aryzyn joǧaryda aityp kettık. Azaptau, ūryp-soǧu boiynşa 3 tergeuşınıŋ üstınen qylmystyq ıs qozǧalǧan.
Jalpy, jastar jaza basqandaryn moiyndap, ıstegen qatelıkterıne ökınedı. Qapasqa kırgende bızge qūtqaruşylar kelgendei ülken ümıtpen qarady.
-Jap-jaspyz ǧoi, ömırımızdıŋ bärı aldymyzda. Oqu bıtırıp, jūmysqa tūrsaq, otbasy bolsaq” dep armandap jür edık. Sottalyp ketsek, ömırbaianymyzǧa qara taŋba tüsedı. Bügın äkelerımız ben analarymyzǧa, erteŋ balalarymyzǧa ne aitamyz?!. Sondyqtan keşırım jasaudy sūraimyz”-deidı jas jıgıtter. İä, jalyndaǧan jas şaǧynda el qamy üşın dep ereuılge şyqqandarǧa ılesıp, aiaǧynda arandatuşylardyŋ bülıgımen qandy qasırette türmeden bır-aq şyqqan örımdei jas qazaq jıgıtterıne qarap janyŋ aşidy. Memleket basşysy Q.Toqaev aitqandai, “auyrlatatyn män-jai bolmasa, jazalaryn jeŋıldetetın” kez kelıp tūr. Jaza basqan, adasqanyna ökınıp, keşırım sūraǧan jastarymyzdy keşıre almasaq, memlekettıgımız qaisy?!.-deidı, aqyn, deputat Qazybek İsa.Tüsten keiın deputattar basqa da ūstalǧandardyŋ ata-analary men advokattaryn qabyldap, olardyŋ ısterı boiynşa da Bas Prokuraturaǧa ötınışter joldady. Qorytyndysynda “Aq jol” partiiasy qamauda otyrǧan 42 jastyŋ aryzyn Bas prokuratuǧa joldady. Olardyŋ bırazy bügınde qamaudan bosap şyqty.
