Qazaqstan úkimeti ónerkásibi órge domalaǵan elderdiń qataryna qosylý úshin qyrýar jumys atqaryp jatyr. Alaıda mundaı jetistikke birden jete qoıý qıyn. Onyń ústine turǵyndar da ekonomıkanyń tez qaryshtaýyn talap etip, tıisti basshylardy synǵa alyp jatsa.
Búgin Qazaqstan Respýblıkasynyń Premer-Mınıstriniń birinshi orynbasary Roman Sklıar Úkimet jıynynan soń jýrnalıster suraǵyna jaýap berdi. Ol otandyq avtoóndiristi qoldaý kerektigin aıtyp, shıkizat ónimine baılanǵan ekonomıkadan birte-birte arylý kerektigin jetkizdi.
Keıbir qoǵam belsendileri ýtılalymnyń kólemin tómen túsirýdi talap etse, keıbiri tipti alyp tastaýdy usyndy. Sondaı-aq vıe-premerdiń qyzmetten ketýin talap etkender de boldy.
– Men qyzmet úshin emes, halyq úshin eńbek etip jatyrmyn. Eger qate istesem árbir isime jaýap berýge daıynmyn. Másele qyzmette emes, másele bizdiń elde ónerkásiptiń bir izge qoıylý qajettiliginde, – dedi vıe-premer.
Roman Sklıar munaıǵa baılanýdyń qajeti joq ekenin túsindirdi.
– Bizdiń elde keıbir saıasattanýshylar qoǵamdyq sanany sheber túrde manıpýlıaııalaıdy. Múmkin olardyń jumysy sol shyǵar. Biraq biz nege mundaıǵa erýimiz kerek? Eger biz óz elimizdi ónerkásibi damyǵan elder qatarynan kórgimiz kelse, onda bos urandarǵa jol bermeýimiz kerek, – dedi vıe-premer.
Esterińizge sala ketsek, Ýtılızaııalyq alymynyń mólsherlemesi eki esege tómendegenin Roman Sklıar «Habar 24» arnasyna bergen suhbatynda aıtqan bolatyn.
"Adyrna" ulttyq portaly
