Qazaqstan ükımetı önerkäsıbı örge domalaǧan elderdıŋ qataryna qosylu üşın qyruar jūmys atqaryp jatyr. Alaida mūndai jetıstıkke bırden jete qoiu qiyn. Onyŋ üstıne tūrǧyndar da ekonomikanyŋ tez qaryştauyn talap etıp, tiıstı basşylardy synǧa alyp jatsa.
Bügın Qazaqstan Respublikasynyŋ Premer-Ministrınıŋ bırınşı orynbasary Roman Skliar Ükımet jiynynan soŋ jurnalister sūraǧyna jauap berdı. Ol otandyq avtoöndırıstı qoldau kerektıgın aityp, şikızat önımıne bailanǧan ekonomikadan bırte-bırte arylu kerektıgın jetkızdı.
Keibır qoǧam belsendılerı utilalymnyŋ kölemın tömen tüsırudı talap etse, keibırı tıptı alyp tastaudy ūsyndy. Sondai-aq vise-premerdıŋ qyzmetten ketuın talap etkender de boldy.
– Men qyzmet üşın emes, halyq üşın eŋbek etıp jatyrmyn. Eger qate ıstesem ärbır ısıme jauap beruge daiynmyn. Mäsele qyzmette emes, mäsele bızdıŋ elde önerkäsıptıŋ bır ızge qoiylu qajettılıgınde, – dedı vise-premer.Roman Skliar mūnaiǧa bailanudyŋ qajetı joq ekenın tüsındırdı.
– Bızdıŋ elde keibır saiasattanuşylar qoǧamdyq sanany şeber türde manipuliasiialaidy. Mümkın olardyŋ jūmysy sol şyǧar. Bıraq bız nege mūndaiǧa eruımız kerek? Eger bız öz elımızdı önerkäsıbı damyǧan elder qatarynan körgımız kelse, onda bos ūrandarǧa jol bermeuımız kerek, – dedı vise-premer.Esterıŋızge sala ketsek, Utilizasiialyq alymynyŋ mölşerlemesı ekı esege tömendegenın Roman Skliar «Habar 24» arnasyna bergen sūhbatynda aitqan bolatyn.
"Adyrna" ūlttyq portaly
