Qurmetti Qasym-Jomart Kemeluly!
Qadirli áriptester!
Eń áýeli barlyq partııalastar men jaqtastardy partııanyń qurylǵan kúnimen quttyqtaımyn. Búgin kóktemniń betashar kúni, búgin Alǵys aıtý kúni!
1999 jyldyń 1-naýryzynda partııanyń quryltaı Sezi ashylyp, oǵan 400-ge jýyq delegat qatysqan edi. Odan beri partııa músheleriniń sany 800 myńǵa deıin ósti.
Búgin kóptegen pikirler aıtylýda, tipti partııany taratý kerek degen. Saıasattanýshy retinde aıtarym - memleket júıesi, saıası júıesiniń negizgi elementi, tutqasy - saıası partııa bolyp tabylady.
Táýelsiz elimizben birge ósip, basty qoǵamdyq-saıası oqıǵalardyń bel ortasynda júrgen partııamyzdyń osy jyldary memlekettilikti nyǵaıtýǵa sińirgen eńbegin joqqa shyǵarý múmkin emes, qadirli aǵaıyn.
Mine, arada 23 jyl ótken soń biz elimiz ben partııamyzdyń tarıhyndaǵy jańa kezeńge aıaq basqaly turmyz.
Qurmetti otandastar, búgin barshamyz kórshiles elder sekildi úlken joldyń qıylysynda turmyz - birtutas ult retinde bir jeńnen qol, bir jaǵadan bas shyǵaryp, ári qaraıǵy damý quqyǵymyzdy dáleldeıtin kez keldi. Jaǵdaı kún sanap ózgerýde, memlekettik júıeni buryn-sońdy bolmaǵan kúızeliske ushyratqan jaıy bar.
Jańa ǵana atqarýshy hatshy Ashat Oralov aıtyp ótkendeı, "Nur Otan" partııasy qaıtadan túlep, "Jańa Qazaqstan" strategııalyq modeline óz bolmysymen, óz isimen úlgi bolýy tıis. Zaman ózgerdi, el ózgerdi - Partııanyń da túbegeıli ózgeretin kez keldi, tipti ataýy, qurylymy, jumys modeli de ózgerý kerek!
Qurmetti partııalastar! Meni jaqsy bilesizder, 2007 jyldyń basynda oqýdan orala salysymen partııa qataryna qosyldym. Partııa músheleriniń ekinshi býyny deýge bolady, ortalyq apparatta qyzmet ettim, kópshiligińizben birge jumys istedik.
Qadirli áriptester, Jeke basymnan sizderge degen úlken ótinishim, Qazirgideı ýaqytta partııanyń uıytqylary, belsendileri, ardagerleri, barlyǵymyz kúsh biriktirýimiz kerek!
Partııa modernızaııasy aıasynda bir-eki usynysym bar.
Birinshiden, qoǵammen baılanysty, kommýnıkaııa jasaýdy jelilik prınıpterge kóshirý kerek, "ıfrlyq demokratııany" damytý úshin zamanaýı tehnologııalardyń barlyq múmkindikterin paıdalaný kerek.
Ekinshiden, partııa qoǵamnyń suranysyna anyqtaýǵa birqatar quraldary bar - Qoǵamdyq qabyldaýlar - partııa músheleri - Bastaýysh partııa uıymdary. Biraq kelip túsetin málimetterdiń keń aýqymy paıdalanýsyz qalyp jatyr. Bul úshin partııa jumysyna "Big Data" tehnologııasyn engizý qajet, ol aqparattyq quraldardy biryńǵaı júıege biriktirýge múmkindik beredi.
Bul tehnologııalar qoǵam úshin dál qazir ózekti problemalar týraly naqty aqparat alýǵa, olardy zerdeleýge jáne ońtaıly sheshimder usynýǵa múmkindik beredi.
Sońǵy birneshe jylda jeke kompanııada bilim salasynda jobalardy júzege asyrýmen aınalystym. Biraq dál qazir jeke múddeni ysyryp qoıyp, Halyq múddesi úshin jumys isteý kerek dep bilemin.
Qasym-Jomart Kemeluly, esińizde bolsa aldynǵy jyly Ulttyq keńestiń otyrysynda men sizge óz zamandastarymnyń atynan usynys bildirip, el úshin halyq úshin Bizdi otqa tastańyz dep aıtqan edim.
Nazym Hıkmet aıtqandaı:
Men janbasam lapyldap,
Sen janbasań lapyldap,
Biz janbasaq lapyldap,
Aspan qalaı ashylmaq.
Endeshe jańǵyrýǵa bet alǵan partııamyzdyń barsha múshelerin Prezıdentimizdiń tóńiregine toptasyp, Jańa Qazaqstannyń qalyptasýyna úles qosýǵa shaqyramyn!
Ósek-aıannyń qurbany bolmaı,
Ozbyrlardyń shulǵaýy bolmaı,
Elimizge yrys-qut ornasyn,
Jerimizge tynyshtyq ornasyn!
Aman bolaıyq! Nazarlaryńyzǵa rahmet!
