Nūrbek Saiasat Nūr Otan partiiasyn jaŋǧyrtu jönınde ūsynys jasady

Qūrmettı Qasym-Jomart Kemelūly!   Qadırlı ärıptester! Eŋ äuelı barlyq partiialastar men jaqtastardy partiianyŋ qūrylǧan künımen qūttyqtaimyn. Bügın köktemnıŋ betaşar künı, bügın Alǧys aitu künı! 1999 jyldyŋ 1-nauryzynda partiianyŋ qūryltai Sezı aşylyp, oǧan 400-ge juyq delegat qatysqan edı. Odan berı partiia müşelerınıŋ sany 800 myŋǧa deiın östı. Bügın köptegen pıkırler aityluda, tıptı partiiany taratu kerek degen. Saiasattanuşy retınde aitarym - memleket jüiesı, saiasi jüiesınıŋ negızgı elementı, tūtqasy - saiasi partiia bolyp tabylady. Täuelsız elımızben bırge ösıp, basty qoǧamdyq-saiasi oqiǧalardyŋ bel ortasynda jürgen partiiamyzdyŋ osy jyldary memlekettılıktı nyǧaituǧa sıŋırgen eŋbegın joqqa şyǧaru mümkın emes, qadırlı aǧaiyn. Mıne, arada 23 jyl ötken soŋ bız elımız ben partiiamyzdyŋ tarihyndaǧy jaŋa kezeŋge aiaq basqaly tūrmyz. Qūrmettı otandastar, bügın barşamyz körşıles elder sekıldı ülken joldyŋ qiylysynda tūrmyz - bırtūtas ūlt retınde bır jeŋnen qol, bır jaǧadan bas şyǧaryp, ärı qaraiǧy damu qūqyǧymyzdy däleldeitın kez keldı. Jaǧdai kün sanap özgerude, memlekettık jüienı būryn-soŋdy bolmaǧan küizelıske ūşyratqan jaiy bar. Jaŋa ǧana atqaruşy hatşy Ashat Oralov aityp ötkendei, "Nur Otan" partiiasy qaitadan tülep, "Jaŋa Qazaqstan" strategiialyq modelıne öz bolmysymen, öz ısımen ülgı boluy tiıs. Zaman özgerdı, el özgerdı - Partiianyŋ da tübegeilı özgeretın kez keldı, tıptı atauy, qūrylymy, jūmys modelı de özgeru kerek! Qūrmettı partiialastar! Menı jaqsy bılesızder, 2007 jyldyŋ basynda oqudan orala salysymen partiia qataryna qosyldym. Partiia müşelerınıŋ ekınşı buyny deuge bolady, ortalyq apparatta qyzmet ettım, köpşılıgıŋızben bırge jūmys ıstedık. Qadırlı ärıptester, Jeke basymnan sızderge degen ülken ötınışım, Qazırgıdei uaqytta partiianyŋ ūiytqylary, belsendılerı, ardagerlerı, barlyǧymyz küş bırıktıruımız kerek! Partiia modernizasiiasy aiasynda bır-ekı ūsynysym bar. Bırınşıden, qoǧammen bailanysty, kommunikasiia jasaudy jelılık prinsipterge köşıru kerek, "sifrlyq demokratiiany" damytu üşın zamanaui tehnologiialardyŋ barlyq mümkındıkterın paidalanu kerek. Ekınşıden, partiia qoǧamnyŋ sūranysyna anyqtauǧa bırqatar qūraldary bar - Qoǧamdyq qabyldaular - partiia müşelerı - Bastauyş partiia ūiymdary. Bıraq kelıp tüsetın mälımetterdıŋ keŋ auqymy paidalanusyz qalyp jatyr. Būl üşın partiia jūmysyna "Big Data" tehnologiiasyn engızu qajet, ol aqparattyq qūraldardy bıryŋǧai jüiege bırıktıruge mümkındık beredı. Būl tehnologiialar qoǧam üşın däl qazır özektı problemalar turaly naqty aqparat aluǧa, olardy zerdeleuge jäne oŋtaily şeşımder ūsynuǧa mümkındık beredı. Soŋǧy bırneşe jylda jeke kompaniiada bılım salasynda jobalardy jüzege asyrumen ainalystym. Bıraq däl qazır jeke müddenı ysyryp qoiyp, Halyq müddesı üşın jūmys ısteu kerek dep bılemın. Qasym-Jomart Kemelūly, esıŋızde bolsa aldynǧy jyly Ūlttyq keŋestıŋ otyrysynda men sızge öz zamandastarymnyŋ atynan ūsynys bıldırıp, el üşın halyq üşın Bızdı otqa tastaŋyz dep aitqan edım. Nazym Hikmet aitqandai: Men janbasam lapyldap, Sen janbasaŋ lapyldap, Bız janbasaq lapyldap, Aspan qalai aşylmaq. Endeşe jaŋǧyruǧa bet alǧan partiiamyzdyŋ barşa müşelerın Prezidentımızdıŋ töŋıregıne toptasyp, Jaŋa Qazaqstannyŋ qalyptasuyna üles qosuǧa şaqyramyn! Ösek-aiannyŋ qūrbany bolmai, Ozbyrlardyŋ şūlǧauy bolmai, Elımızge yrys-qūt ornasyn, Jerımızge tynyştyq ornasyn! Aman bolaiyq! Nazarlaryŋyzǧa rahmet!