Basty bet
Jaŋalyqtar
Putin Batys salǧan sanksiialarǧa jauap retınde jaŋa jarlyqqa qol qoidy

Putin Batys salǧan sanksiialarǧa jauap retınde jaŋa jarlyqqa qol qoidy

02.03.2022

3458

https://adyrna.kz/content/uploads/2022/03/43646474-bc6b-47ab-895a-9313b9f0cb06.jpeg

Resei prezidentı Vladimir Putin "Resei Federasiiasynyŋ qarjylyq tūraqtylyǧyn qamtamasyz etu üşın ekonomikalyq sipattaǧy qosymşa uaqytşa şaralar turaly" jarlyqqa qol qoidy. Būl turaly Kreml baspasöz qyzmetı mälımdedı, - dep habarlaidy “Adyrna” ūlttyq portaly. 

Tengrinews.kz saitynyŋ mälımetınşe, jarlyqqa säikes 2 nauryzdan bastap Reseiden ortalyq banktıŋ baǧamy boiynşa 10 myŋ AQŞ dollarynan asatyn valiutany nemese "şetel valiutasyndaǧy aqşa qūraldaryn" alyp ketuge tyiym salynady.
Odan bölek, prezident rezidentter üşın rubldık nesieler beru, sondai-aq Reseige qarsy sanksiialar ornatqan memlekettermen bailanysty şeteldık tūlǧalarǧa baǧaly qaǧazdar men jyljymaityn mülık satu boiynşa mämıleler jasasudyŋ erekşe tärtıbın engızu turaly şeşım qabyldady.

Būl şara şeteldık tūlǧalardyŋ baqylauyndaǧy adamdarǧa da qoldanylady, "olardyŋ tırkelgen jerıne nemese olardyŋ şaruaşylyq qyzmettı basym jürgızu ornyna qaramastan".

Būl operasiialardy jürgızu üşın şeteldık investisiialar jönındegı ükımettık komissiianyŋ rūqsatyn alu qajet bolady, al jyljymaityn mülıkpen jäne baǧaly qaǧazdarmen mämıleler Qarjy ministrlıgı kelısımı boiynşa oralyq bank rūqsattarynyŋ negızınde ūiymdastyrylǧan sauda-sattyqtarda jasaluy mümkın.

Sondai-aq, komissiia 28 aqpandaǧy jarlyqqa tolyq tyiym salǧan mämılelerge rūqsat bere alady: rezident emesterge valiutalyq nesie beru jäne şeteldegı şottaryna valiuta audaru.

Qūjatta būl qadamdar "AQŞ pen oǧan qosylǧan şet memleketter men halyqaralyq ūiymdardyŋ dostyq emes jäne halyqaralyq qūqyqqa qaişy äreketterınen" tuyndaityny körsetılgen. Olar ūlttyq müddelerdı qorǧauǧa baǧyttalǧan.
“Adyrna” ūlttyq portaly

Facebook - paraqşamyzǧa jazylyŋyz!