Bügın Almatyda Ukrainany qoldauǧa jinalǧandar beibıt miting ötkızıp jatyr, dep habarlaidy "Adyrna" ūlttyq portaly.
Stan.kz mälımdeuınşe, mitingıge 200-dei adam jinalǧan. Olardyŋ qoldarynda ukrain tuyn ūstap kelgen halyq qoldarynda “Soǧysqa jol joq”, “Ukraina bız bırgemız”, “Putin ket!” degen jazuy bar plakattar bar.
Aita keteiık, būl jiyndy ötkızuge äkımdık rūqsat etse de, alaŋdy baqylap jürgen bilık adamdary baiqalady.
“Bügınde Ukraina täuelsızdıkten asqan qūndylyq joq ekenın körsetıp otyr. Täuelsızdık üşın kürestıŋ simvolyn körsetıp jatyr. Bızde ondai qoǧam bar ma? Bızde osyndai mitingılerge halyq köptep kelse, eldıŋ saiasatyna aralassa bızde de sondai qoǧam qalyptasady. Sol üşın elımızdegı kez kelgen jaǧdaiǧa aralasaiyq. Zelenskii nege halqymen bırge boldy? 2014 jyly Ukraina halqy demokratiialyq jolmen özınıŋ basşysyn sailady. Sondyqtan da olardyŋ basşysy halqymen bırge jür. Al bızde prezidenttı halyq sailaǧan joq, ony taǧaiyndady. Aiyrmaşylyq bar. Ukraina jerınde üş kün soǧysta 227 adam qaza boldy. Bızde qaŋtar oqiǧasynda ekı künde 227 qandasymyz qaza boldy. Türmeler men tergeu izoliatorlarynda genosid älı de jalǧasyp jatyr. Qaŋtar oqiǧasyn ūmytpaiyq. Soǧys toqtasyn! Bır adamnyŋ ölgenı adamzattyŋ ölgenı”, – deidı Esjan esımdı belsendı.
"Adyrna" ūlttyq portaly
