Qazaqstan Prezidentı Qasym-Jomart Toqaev qazaqstandyq äielderdı Halyqaralyq äielder künımen qūttyqtady. Joldau Akorda.kz saitynda jariialandy, - dep habarlaidy "Adyrna" ūlttyq portaly.
"Sızderdı Halyqaralyq äielder künımen şyn jürekten qūttyqtaimyn! Osynau şuaqty köktem merekesı äsemdık pen ädemılıktıŋ, meiırım men mahabbattyŋ simvolyna ainaldy. Halqymyzdyŋ «Äiel bır qolymen besıktı terbetse, bır qolymen älemdı terbetedı» degen naqyl sözınıŋ tereŋ män-maŋyzy bar. Qazaqstanda äielderge barlyq jaǧdai jasalǧan. Olar bılım beru men densaulyq saqtau, mädeniet pen sport, öndırıs pen qūqyq qorǧau jäne basqa da salalarda tabysty eŋbek etude. Memlekettık organdar men ırı kompaniialarda basşylyq qyzmet atqaratyn nemese biznes salasynda käsıbın örkendetıp jürgen äielderımız az emes. Qyz-kelınşekter elımızdıŋ qoǧamdyq-saiasi ömırıne de belsene atsalysuda. Öskeleŋ ūrpaqqa önegelı tälım-tärbie beru ısınde äielder airyqşa röl atqarady. Asyl analardyŋ eŋbegı qandai qūrmetke de laiyq. Kez-kelgen ıste äielderdıŋ käsıbi bılıktılıgı pen jauapkerşılıgı aiqyn aŋǧarylady. Olar barlyq ortada ündestık pen üilesımdı, özara tüsınıstık pen tatulyqty nyǧaituǧa ūiytqy bolady. Bızdıŋ elımız saiasi özgerıster men jüielı jaŋǧyru kezeŋıne qadam basty. Osy oraida, äielder qauymynyŋ jasampazdyq qasietı men küş-quaty Jaŋa Qazaqstannyŋ ılgerıleuıne septıgın tigızedı dep senemın. Barşaŋyzǧa zor densaulyq, baq-bereke tıleimın! - dep tüiındedı Toqaev.
"Adyrna" ūlttyq portaly
