2014 jyly kóktemde Pýtınniń Qyrymdy basyp alyp sáti edi. Lýgansk, Donek qalalary da basqynshylyqqa ushyrap jatqan - tyn.
Kıevte aıǵaı - shý, ýkraın saıası elıtasy bılikke ornyǵyp ta úlgermegen..
Ianýkovıch keshe ǵana qashyp shyqqan tus.
Iaenıýk — premer, Týrchınov — ýaqytsha el prezıdenti.
Syrttan jaý keldi, Ýkraına ańtarylyp, qatty sasyp otyrǵan qıyn zaman edi ol kez.
Sodan Iaenıýk pen Týrchınov pármen berip Lvov pen Ivano - Frankovınadan ýkraın qarýly kúshteriniń bólimsheleriniń darbaza qaqpalary syqyrlaı aıqara ashylyp, ol aradan sovettiń eski tankileri ilbip shyǵyp amalsyz kúnshyǵysqa betaldy.
Sol kezdegi vıdeolardy bárimiz jeliden bir adamdaı qaradyq qoı. Sondaǵy ýkraındyq tankiler bir júrse júz turyp synatyn sovettiń eski tot basqan TT tankileri edi, saldyrlap ketip bara jatatyn.
Sol tankilerdi jolaı ýkraın turǵyndary rýhtana qarsy alyp óz áskerin "Slava Ýkraıne!" dep jigerlendirip jatty.
Bir vıdeolarda 9 - 10 jasarlyq ýkraındyq balanyń "Slava Ýkraıne!" dep jasaýraǵan júzi esimde qalypty.
(Sol balanyń qazir qolyna qarý alyp soǵysyp júrgenine senimdimin).
Ol kezde bundaı sıýjetterdi kórip otyryp ýkraındyqtardy qatty aıaıtynmyn.
Sol soǵysqa ýkraın jalańqol patrıottary da jan - jaqtan aǵyldy. Olar Donbasqa barǵan bette dereý óz qoldarymen áskerı batalondaryn quryp jatty. Qoldarynda durys qarýy da joq, bir vıntovka eki patron, ústerinde obmýndırovanıe de joq, sarbazdardyń azyqtaryn da jerlik turǵyndar tasyp júretin.
Olardyń tek "eldi qorǵaımyz" degen adal nıetteri ǵana bolatyn. Basqa dáneńeleri de joq. Tájirıbesi de bolmady.
Sol tájirıbesiz sarbazdardyń kóbi Ilovaısk, Debalevo, Volnovaha degen jerlerde oqqa ushty, myńdap qyryldy.
Sol tusta soǵysqa saqadaı saı reseılik kadrovyı áskerıler shıkiókpe ýkraın patrıottaryn kekilikteı atqylap qyryp saldy, kóbi sheıit ketti.
Odan soń bılikke endi kelgen Poroshenko amalsyz "Mınsk kelisimine" otyrýǵa májbúr boldy.
Qazirgi, ıaǵnı 8 jyldan sońǵy myna soǵysta ýkraın áskeri múldem ózgerip ketken eken.
Ýkraına 8 jylyn beker joǵaltpaǵan eken.
Qazirgi ýkraın áskeri — qarsylasynyń aıbarynan qaımyqpaı onymen teń dárejede qııan - keski shaıqastar júrgizip otyrǵan bir kúshti áskerge aınalypty.
Halqy da baqaıshaǵyna sheıin ultshyl, memleketshil, naǵyz patrıot ekendigin kórsetti.
Qysqasy, Reseı Ýkraınany baǵyndyra almaıdy. Tipti olar Kıevti basyp alsa da, orystyń onysynan túk shyqpaıdy.
Kezinde Groznyıdy baǵyndyrǵan soń ol arada orys úshin soǵys bitpegen edi.
Sáýegeısigenim emes, biraq bul jerde de solaı bolady.
Eger taraptar kenet sylq etip qandaı da bir ortaq kelisimdermen toqtamasa, Ýkraın jaǵy endi qarqyn ala beredi.
Jaz kele jatyr.. Jer qara kún jylyda ýkraın ormany kóktegende ýkraın sarbazdary ár butanyń túbinen saıtandaı sap ete qalyp orys áskerı kolonnasyn qorshap turyp qyryp salyp óz soǵysyn júrgize beredi.
Ýkraınada qarý da jetedi, artynda alar járdemi de kóp.
"Uıalǵan tek turmas" demekshi Pýtın Reseıde taǵy mobılızaııa jarııalaýy múmkin, Ýkraınaǵa taǵy áskerin tóger, biraq menińshe odan túk shyqpaıdy.
Ádette kez kelgen soǵysta shabýyldaýshy ásker alǵy shepke aldymen tek úzdikterin salady. Pýtın olardy ýje saldy, bir tańǵalarlyǵy - tutqyndaǵy ash jalańash, ústi jyrtyq jigitter Pýtınniń úzdikteri eken.
Pýtın Ýkraınada da óz úzdikterin aldyǵa salyp, ol áskeri sýǵa túsken taýyqtyń kebin kıdi.
Áskerı tehnıkasynyń jartysy tobylǵydaı tútindedi.
Mynadaı sumdyqtardan soń Pýtınniń keıingi keletin jaýyngerleriniń de júni jyǵylyp, úrpıip - túrpıip kelip soǵysyp mandyta qoımaıdy.
Al bergi bettegi ýkraın sarbazdary ol kezde naǵyz janalǵysh máshınege aınalady. Ol endi ólse de berispeıdi.
Ýkraın áskeri qazir — qan men terdiń kermek dámin sezgen, jaýyn soǵyp úırengen, orys áskerin myńdap tutqyndap, ushaqtaryn qulatýdy meńgergen tájirıbeli ásker.
Reseıdiń aılar boıy, jyldar boıy soǵys júrgizetin múmkindigi de joq. Sálden soń kóp uzatpaı ózi de syr beredi.
Sol kezde talapty ýje Ýkraın jaǵy qoıady dep oılaımyn.
Sondyqtan, soǵystyń alǵashqy kúnderinde jazǵanymdy taǵy jazamyn.
Ýkraına jeńedi.
