Qazaqstan úshin ǵarysh keńistigi óte mańyzdy. Sebebi alǵash ret ǵaryshty ıgerý dál bizdiń elden bastaldy. Adamnyń ǵaryshqa alǵash ushýy da Qazaqstan jerinen bastaý aldy. Mine, sol ýaqyttan beri 60 jyl zymyrap óte shyqty. Adamzat ǵaryshty ıgerýdi jalǵastyryp, tolaǵaı jetistikterge jetti. Tipti Marsqa qonystaný, Aıǵa kezekti ekspedıııa jiberý men ózge planetalardy izdestirý jumystary júrip jatyr. Memleketter túrli spýtnıkterdi aýyl sharýashylyǵy, aýa raıyn baqylaý, áskerı salada qoldanyp keledi.
Ǵaryshty ıgerýdi nasıhattaý mańyzdy. Jas urpaqtyń aspan álemine qyzyǵyp ósýi - bolashaqta ǵarysh salasynyń damýyna da áser etedi. Bul Qazaqstan úshin mańyzdy. Sebebi úsh ǵaryshker shyǵaryp, álemdegi eń iri ǵarysh kesheniniń birine ıe Qazaqstan aldaǵy ýaqytta ǵarysh salasyn qarqyndy damytýǵa nıetti. Sol maqsatta oqýshylar men stýdentter arasynda tıisti túsindirý jumystary da júrgiziledi.
Qazaqstan Respýblıkasy táýelsizdiginiń 30 jyldyǵyna jáne adamnyń ǵaryshqa alǵash ushqanyna 60 jyl tolýyna oraı arnaıy «KazakhstanSmartSpace» ǵaryshtyq tehnıka jáne tehnologııalar boıynsha halyqaralyq baıqaýy uıymdastyrylýda. Baıqaýdyń basqy maqsaty jas urpaqty ǵarysh álemine qyzyqtyrý, olarǵa qoldaý bildirý jáne bul salany damytýdyń mańyzdylyǵyn túsindirý. Baıqaýdy «Ulttyq ǵaryshtyq zertteýler men tehnologııalar ortalyǵy» AQ, «EurasianSpaseVentures» JShS, «Qazaqstandyq jobalardy
basqarý ınstıtýty» QQ uıymdastyrýda.
Baıqaýǵa qatysýǵa 50-den astam JOO-ry ótinish bildirgen. Olardyń arasynda Qazaqstannan bólek Reseı, Qyrǵyzstan qatysýshylary da bar.
Uıymdastyrýshylar tarapy: "Baıqaý bıyl birinshi márte uıymdastyrylyp otyr. Baıqaýdyń ótý barysyna baılanysty múmkin ony jyl saıynǵy dástúrli baıqaýǵa aılandyratyn shyǵarmyz. Qazir ol jaǵyn da oılaný ústindemiz. Qatysýshylardy tek qana baǵaly syılyqpen marapattap qoımaı, sonymen birge "Baıqońyr" ǵarysh aılaǵyna aparýdy da josparlap otyrmyz", - dedi.
Eurasian Space Ventures jeke ǵaryshtyq kompanııasynyń bas dırektory, Eýrazııalyq banktiń dırektorlar keńesiniń múshesi Shýhrat Ibragımov atalmysh baıqaý talantty jastar arasynda ózderin kórsetý múmkindigimen birge, kásipkerler úshin bilikti kadrlardy tabýdyń joly ekenin de aıta ketti.
"Biz búgin eń aldymen aımaqtar boıynsha ǵarysh salasyna qyzyǵyp, óz ómirin, bolashaǵyn ǵaryshty ıgerý, sol boıynsha jobalar jasaýdy qalaıtyn jastardy tapqymyz keledi. Bul baıqaý sondaı jastarǵa úlken múmkindik berip, óz ıdeıalaryn iske asyrýǵa jol ashady. Biz qazirdiń ózinde aeroǵaryshtyq tehnologııalardy damytý úshin ESV ǵarysh habynyń ınkýbatoryna halyqaralyq startaptar men kompanııalardy tartyp jatyrmyz. Búginde ıfrlandyrý qarqyny óte joǵary jáne ol proess toqtamaıdy. Ǵaryshtyq ındýstrııa salasy da qaryshtap damýda. Bul baıqaý álemge Qazaqstan men aımaqtyq mamandardyń bliktiligin kórsetetin bolady", - deıdi Ibragımov.
Shýhrat Ibragımov baıqaý aıasynda jeńimpazdardy anyqtap, olardyń jobalaryn damytyp, halyqaralyq dárejede shyǵarý, tanystyrý jaǵyn da qarastyryp otyrǵanyn aıtty.
Baıqaýǵa qatysýshylar úsh topqa bólinedi. 12 jasqa deıingi balalar, olar ata-analarymen birge komanda jasaqtaýyna bolady. 16 jasqa deıingi balalar, olardyń da ata-analarymen birge komanda jasaqtaýyna bolady jáne úshinshi top 16 jastan asqandar. Jarysqa qatysýshylarǵa arnaıy sertıfıkattar, al jeńimpazdarǵa baǵaly qarjylaı syılyqtar men estelik jádigerler tabystalady. Baıqaýǵa qatysýshylar tórt nomınaııa boıynsha baq synaıdy: Maket; belsendi model, ónim, beınerolık; ǵylymı-zertteý jobasy; básekege qabiletti robottar. 15-naýryzǵa deıin qatysýǵa joba usynýǵa múmkindik bar. Qatysýdyń erejeleri men sharttary kórsetilgen qaǵıdalar baıqaýdyń www.kzsmart.space saıtynda jarııalanǵan. Baıqaýdyń fınaly 2022 jyldyń 8-10 sáýiri G. Dáýkeev at. Almaty Energetıka jáne baılanys ýnıversıtetinde ótedi.
"Adyrna" ulttyq portaly
