2016 jylǧy 11 mamyrda qyzmettes ärıptesımız, qarulas dosymyz, bauyrymyz, jarqyn azamat Talqybaev Abai Bolatūly bar bolǧany 36 jasynda dünieden ozdy. Qyrşyn ketken jastyŋ ölımı janymyzǧa batty, qabyrǧamyzdy qaiystyrdy.
Eş auyrmai-syrqamai, ömırdıŋ ärbır sätınen läzzat alyp, jarqyldap jüretın jannyŋ ölımı auyr eken.
Abaidyŋ qyrşyn jasy kez-kelgen adamnyŋ tüisıgıne ölım men ömır turaly oi qozǧap, «osy ötkergen ǧūmyrymda qandai jaqsy ıs atqardym» degen oiǧa şomuyna türtkı bolady, ölım jas pen qartqa, jaman men jaqsyǧa qaramai jalmai beretın tajal ekenıne köz jetkızedı eken.
Abai bauyrym turaly jazuyma sebep bolǧan batyr babamyz B.Momyşūlynyŋ mynau bır sözderı boldy: «Bızdıŋ jazuşylarymyz, ǧylymi qyzmetkerlerımız jas ūrpaqty tärbieleu maqsatynda şyndyqty jazuy kerek.
Qazırge deiın bırde-bır äskeri esım halyq esınde qalu üşın qany men janyn bergen jıgıtterdıŋ jalyndy esımderı salqynqandylyqtan soqqan samalmen öşıp bara jatqandai. Erlerdı jaza almasaq, jazyq bızde.
Al ärkımnıŋ özı körgen esıl erdı jyrlap, özı bıletın tūlǧany baiandaǧany jön. Bır erdıŋ ıstegen ısı jüzge ülgı, myŋǧa önege bolady».
Abai bauyrym az ǧana ǧūmyrynda soǧysta erlık körsetpese de, beibıt äskeri ömırde kez-kelgennıŋ qol jetpeitın jetıstıkterge jetıp, jastarǧa ǧana emes, ülkenderge de ülgı bolatyndai sanaly ıs qaldyrdy.
Ol qarapaiym ömır sürdı: eşkımnıŋ aldyna şyǧyp, ony basyp ozamyn degen joq nemese atyn şyǧaryp tanymal bolǧysy kelmedı.
Ol qūr qol otyra almaityn, jan-jaqty ösıp, sauatyn aşyp, damudy qalaityn, aldyna qoiǧan maqsat-armandary köp azamat edı.
Ol tek özındık älemı bar, sol älemımen qataŋ jarǧylyq äskeri ömırde erekşelenetın tūlǧa bola bıldı.
Onyŋ älemı ädemılıkke, äsemdıkke, ädeptılık pen jan-jaqty sauattylyqqa, talǧampazdyqqa, meiırımdılıkke, qarapaiymdylyqqa, adaldyqqa toly edı.
Onyŋ jyrlap aituǧa bolatyndai erlıgı - sol älemın bolaşaq şekaraşy-ofiserlerdıŋ boiyna darytyp, olardy igı ısterge tärbielei bıluı.
11 jyl ışındegı QR ŪQK Şekara akademiiasyndaǧy äskeri-pedagogikalyq qyzmetınde Abai bauyrym tärbielegen jas ofiserler elımızdıŋ tükpır-tükpırınde tynyştyǧymyzdy qorǧap, şebımızdı küzetude. Osy bır qaiǧyly oqiǧa ūstazynyŋ süiıspenşılıgıne bölengen şäkırtterınıŋ de qabyrǧasyn qaiystyrary sözsız.
Abaimen tanystyǧymyz äl-Farabi atyndaǧy QazŪU halyqaralyq qatynastar fakultetınde bastaldy. Maǧan QR ŪQK Akademiiasyna JOO bıtıruşıler arasynan pedagogikalyq qyzmetke üzdık studentterdı äskeri qyzmetke ırıkteuge tapsyrma berıldı.
QazŪU-dıŋ halyqaralyq qatynastar fakultetınıŋ dekanynan üzdık studentterdıŋ tızımın sūraǧanymda, on şaqty adamnyŋ tızımın berdı. Sol tızımnıŋ ışınde Abai bırınşı bolyp tūr edı. Keiın Abaimen sūhbattasqanymyzda dekanynyŋ maqtaǧanyndai, jan-jaqty sauatty, ädeptı, aldyna maqsat qoia bıletın jas ekenıne közımız jettı.
Bıraq keibır dälelsız sebepterge orai Abaidyŋ qūjattaryn resımdeu prosesı ekı jylǧa sozylyp, keiın özım Äskeri institutqa pedagogikalyq qyzmetke auysqanda ony äskeri formada jolyqtyrdym.
Ol öz maqsatyna jetu üşın eşteŋeden köŋılı qalmai, instituttyŋ şet tılderı kafedrasynda pedagogikalyq qyzmetpen ainalysyp jürgenın bıldım.
Osy kezeŋnen bastap Abaidyŋ ömırındegı ärbır sätı, quanyşy, renışı, t.b. köz aldymda öttı (adiunkturaǧa tüsuı, ǧylymi eŋbekterın jaryqqa şyǧaruy, otbasyn qūruy, balaly boluy, t.b.).
Abai tek pedagogikalyq qyzmetın jetıldırıp qana qoimai, äskeri ǧylymǧa da özındık ülesın qosty. Ol ärdaiym özınıŋ boiyndaǧy bar bılımıne qanaǧattanbai, jan-jaqty ızdenıp jüretın.
Şekara qyzmetı ofiserlerın daiarlau ısı mäselesı boiynşa ǧylymi zertteu jūmystaryn jürgızıp, 2010 jyly äskeri pedagogika ǧylymdarynyŋ kandidaty ǧylymi ataǧyn alyp, keiın «professor» ǧylymi därejesıne ie boldy.
2008 jyly üş aiǧa juyq AQŞ-tyŋ Niu-Meksika qalasynda şekaralyq baqylau kursynan ötıp, bılıktılıgın jetıldırdı.
Sondai-aq, 2011 jyly Reseidıŋ Federaldy qauıpsızdık qyzmetı Akademiiasynda bılıktılıktı köteru kursynan ötıp, TMD elderı arasyndaǧy äskeri qyzmetşılerdıŋ diplomdyq jūmystar saiysynda üzdık ǧylymi jūmys jazǧany üşın bırınşı jüldelı oryndy ielenıp, elımızdıŋ bedelın köterdı.
Abai Bolatūlynyŋ qalamynan 100-den asa ǧylymi maqalalar, 6 ǧylymi eŋbek (oqu qūraldary, jinaqtar, anyqtamalyqtar) jaryq kördı.
Ärbır ötkızgen künın baqyt dep sanaityn, ärbır adamdy, adamdarmen qarym-qatynasty da sol sebepten baǧalaityn. Bıreuge dörekı söilep, eşqaşan renjıtpeitın, sondyqtan da elge syily bolatyn.
Jaratylysynan jany näzık bolǧandyqtan ol qarapaiym adam köre bılmeitın ädemılıktı, äsemdıktı köretın azamat edı.
Adamdarmen qarym-qatynas jasaǧanda är adamnyŋ közıne qarap, onyŋ oiyn, sezımın, közqarasyn bırden baiqap, sol adamǧa sol mezette janyna saia bolatyndai söz aityp, köŋılın kötere bıletın.
Eşkımge jalpaqtap, ötırıktı bösetın adam emes edı, aşy şyndyqty da adamnyŋ köŋılın qaldyrmai, özıne syni közqaraspen qaraityndai etıp jetkıze bıletın. Sondyqtan bolar, Abaidyŋ jauy, öştesken qarsylasy, kündesı bolmaityn.
Kez-kelgen ortada syiymdy, qandai da adammen tıl tabysa bıletın jaidarly azamat edı.
Özınıŋ şaǧyn ǧana sanaly ǧūmyrynda ünemı barlyǧyn ülgeruge asyǧyp jüretın.
Ol özınıŋ ömırınıŋ aqyry jaqyndap qalǧanyn ıştei sezınetındıkten ädemı ömır süruge, qorşaǧandardan ädemılıktı köruge, qasyndaǧylarǧa quanyş syilauǧa tyrysatyn.
Äsırese Abai üşın otbasy, jora-joldastary, ärıptesterı, qyzmettesterı qymbat jandar edı.
Ol ata-anasynyŋ ümıtın aqtai bılgen ūl, süiıktı jar, qamqor äke, bauyrmal ını, syrlas jäne senımdı dos bola bıldı. Onyŋ boiynda jalpy adamzatqa tän jaman qasietter tabylmaityn.
Ǧūmyry pyşaqtyŋ sabyndai qysqa bolsa da artynda qalǧan qyzy men ūlyna jaqsy esımın qaldyrdy.
Bügınde Abai Bolatūlynyŋ artynda qalǧan ömırlık jūbaiy Bildebaeva Äsel Serıkqyzy QR ŪQK Şekara akademiiasy kadrlar basqarmasynyŋ inspektory. Äskeri şenı maior.
Ūly Älışer Almaty qalasyndaǧy Bılım inovasiia liseiınıŋ 8 synyp oquşysy. Äkege qarap ūl öser demekşı, äkesı siiaqty ol da ǧylym-bılımǧa jany qūmar aǧylşyn tılın jetık meŋgergen. Qyzy Alsu qaladaǧy mektepterdıŋ bırınde 1 synypta oqidy.
Äseldıŋ aituynşa, olar 2006 jyly Şekara akademiiasynda tanysqan.
Ol kezde Äsel Serıkqyzy Şekara akademiiasynyŋ bır jyldyq kursyn oqyp jürgen bolatyn. Jyl soŋynda Abai Bolatūly Äselden aǧylşyn tılı boiynşa synaq qabyldaǧan.
Sodan közıne şoqtai basylǧan sūlu qyz jaily ainalasyndaǧylardan sūrastyra bastaǧan. Keiınnen, sezımın bıldırıp ekı jarty, bır bütın bolaiyq dep öz oiyn bıldırgen eken.
Abai, bauyrym, jaryǧym! Senıŋ qyrşyn ömırıŋ barlyǧymyzdyŋ qabyrǧamyzdy qaiystyryp, janarymyzdy jasqa judy. Senıŋ jaqsy ısıŋ keleşek ūrpaqqa ülgı bolsyn, jaqsy atyŋ balalaryŋnyŋ töbesın kökke jetkızsın, al jarqyn beineŋ mäŋgılık bızdıŋ – ärıptesterıŋnıŋ esınde qalady. Jatqan jerıŋ jaily, topyraǧyŋ torqa, imanyŋ salamat bolsyn!
Podpolkovnik G.Mamaeva,
14-kafedranyŋ professory
