Orys qyzy Qazaqstanda tūratyn öz ūltynyŋ ökılderıne arnap, "Qazaqstan menıŋ jerūiyǧym" atty fleşmobty bastady, dep habarlaidy “Adyrna” ūlttyq portaly Ekspress K. saityna sılteme jasap.
Būl turaly jurnalist özınıŋ Facebook paraqşasynda jazdy. Ol öz sözınde aqparattyq soǧys arqyly Qazaqstandaǧy beibıt ömırdı būzǧysy keletınderge tötep beru kerektıgın atap ötken.
"Qazaqstandaǧy orys ūltynyŋ ökılderı! Aqparattyq soǧys arqyly köpūltty Qazaqstandaǧy beibıt ömırdıŋ būzyluyna jol bermeimız. Jerūiyǧymyzdy eşqaşan satpaimyz! Qazaqstandaǧy orystardy äldekımder neden qūtqarmaq? Asta-tök dastarhan men balalardy şaqalaq kezınen baqqan äjelerdıŋ ystyq qūşaǧynan ba? Ūly qazaq halqynyŋ ölşeusız meiırımdılıgı men danalyǧynan ba? Bız qazaq tılın üirenuge daiynbyz jäne üirenıp te jatyrmyz. Öitkenı şyn jürekpen, jan düniemızben qazaq ūltyn jaqsy köremız. Jaŋa mektepterdıŋ esıkterın aiqara aşyp jatqanyna quanyştymyz jäne olardyŋ qazaq tıldı ekenı bız üşın problema emes! Bastysy, Y.Altynsarin aitpaqşy, "Kel, balalar, oqylyq!" Bız balalarymyz beibıtşılıkte bılım alǧanyn qalaimyz. "Qazaqstan menıŋ Jerūiyǧym" atty fleşmobyn bastaimyn", — dep jazdy jurnalist.
Avtordyŋ būl fleşmobyn köptegen qazaqstandyq qoldap jatyr. Qazırdıŋ özınde būl jazbany 2 myŋ adam bölısıp, taǧy 2 myŋ jelı qoldanuşysy lüpıl qaldyrǧan. 500-ge juyq adam pıkır qaldyrǧan.
“Adyrna” ūlttyq portaly
