Sauda jäne integrasiia ministrlıgı Qazaqstanda qant jetkılıktı ekenın mälımdep, halyqtan sebepsız dürlıkpeudı sūrady, dep habarlaidy "Adyrna" ūlttyq portaly.
"Bügıngı künı elde qant tapşylyǧy joq. Sauda jelılerı men tūraqtandyru qorlarynda äleumettık maŋyzy bar azyq-tülık tauarynyŋ qory kemı üş aiǧa jetedı. Sonymen qatar qant öndırısı jalǧasyp jatyr, toqtamaidy! Qor toltyrylyp otyrady. Iаǧni "üş aidan keiın qor tausylady, qant tapşylyǧy bolady" degen aqparat şyndyqqa janaspaidy". Eldegı qant öndırısınen bölek, özge elderden importtau mümkındıgı bar. Sondyqtan ajiotajǧa erık bermeuge şaqyramyz, - dep mälımdedı sauda jäne integrasiia ministrlıgınıŋ resmi ökılı Älışer Ömırzaq.
Esterıŋızge sala keteiık, būǧan deiın äleumettık jelıde Qazaqstannyŋ ırı sauda oryndarynda qazaqstandyqtardyŋ jappai qant satyp alyp jatqany habarlanǧan edı. Juyrda sauda jäne integrasiia ministrlıgı Qazaqstanda üş aiǧa jetetın qant qory bar ekenın mälımdedı. Ekonomikalyq sanksiialarǧa bailanysty Resei bilıgı jarty jylǧa qant eksportyna tyiym salǧan edı.
Stan.kz mälımetınşe, däl sol künı jäne ertesıne Qazaqstannyŋ köptegen qalasynda qant eŋ köp sūranysqa ie önımge ainaldy. Baǧasy da şaryqtady. Satuşylar bır adamǧa satylatyn tauar kölemıne şekteu engıze bastady. Mysaly, Kökşetauda supermarketterdıŋ bırınde qantqa kezekte tūrǧan satyp aluşylar arasynda töbeles şyǧa jazdady. Qaraǧandy men Temırtauda da dürlıgu baiqaldy: satuşylar qantty sörege qoia bergenı sol edı, adamdar talap äkettı. Pablikterdıŋ bırınde qanttyŋ bır kelısı 500 teŋgege jetkenı jazyldy. Soltüstık Qazaqstan oblysynda qanttyŋ bır kelısı 420 teŋgege deiın qymbattady. Pavlodarda da keşeden berı dürlıgu baiqalady. Sauda oryndardyŋ bırınde qantty 4,5 kg kelıden ülestep satyp jatyr.
Posmotret etu publikasiiu v Instagram
"Adyrna" ūlttyq portaly
