Būl turaly «Aqiqat» qoǧamdyq komissiiasynyŋ töraiymy Aiman Omarova komissiianyŋ bıraptalyq jūmysyn qorytyndylau kezınde aitty, dep habarlaidy "Adyrna" ūlttyq portaly baq.kz-ke sılteme jasap.
Onyŋ aituynşa, Almatydaǧy tergeu izoliatorynda otyrǧan üş student Azamat Amangeldiev, Azat Uäli jäne Dastan Jaiylǧanovqa qatysty būltartpau şaralary özgertılıp, üiqamaqqa auystyrylǧan.
Olarǧa QR QK-nıŋ 272-babynyŋ ekınşı bölıgı boiynşa aiyp taǧylǧan. Sot olardyŋ qaru-jaraq tasyǧanyn körsetetın videolardy alǧa tartty. Alaida olar mäjbürlı türde barǧan. Iаǧni daiyndalǧan qaruly adamdardyŋ qorqytuymen 5 qaŋtarda alaŋǧa baryp, zaŋsyz äreketter jasaǧan. Mitingke qarumen qorqytyp aparǧany turaly basqa da adamdar aityp jatyr. Sondyqtan bız būl balalarǧa qatysty ıstı toqtatudy ūsynǧan edık, – dedı Aiman Omarova.Balalardyŋ aituynşa olar beseu bolǧan, bıreuın atyp tastaǧan jäne qorqytqan. Maska kigen qaruly adamdar bır-bırımen basqa tılmen söilesken, sondyqtan olardyŋ aitqanyn ısteuge tura kelgen. Komissiia töraiymy osy ıske nazar audaryp, ötınışterıne qūlaq asqan prokuratura men özge de jauapty adamdarǧa alǧys bıldırdı. Sonymen qatar ol Atyrauda qaŋtar oqiǧasyna qatysty qamauda otyrǧan Esjanov Erqanat, Erkebūlan Baltabaev, Medet Naryşevqa qatysty būltartpau şaralary özgertılıp, üiqamaqqa auystyrylǧanyn jetkızdı.
"Adyrna" ūlttyq portaly
