Nauryz merekesı qarsaŋynda Qazaqstan Respublikasy Prezidentınıŋ Jarlyǧymen eldıŋ äleumettık-ekonomikalyq jäne mädeni damuyna qosqan eleulı ülesı, belsendı qoǧamdyq qyzmetı, azamattardy qorǧauda jäne qūtqaruda körsetken jeke janqiiarlyǧy, qoǧamdyq tärtıptı qamtamasyz etuge körsetken kömegı üşın elımızdıŋ bır top azamattary memlekettık nagradalarmen marapattaldy. Būl turaly “Adyrna” ūlttyq portaly Aqordanyŋ resmi saityna sılteme jasap habarlaidy.
Nagrada berılgenderdıŋ qatarynda öndırıs, densaulyq saqtau salalarynyŋ qyzmetkerlerı, biznes ökılderı, mädeniet jäne ǧylym qairatkerlerı, sportşylar, volonterler bar.
«Qazaqstannyŋ Eŋbek Erı» ataǧy Qazaqstan Respublikasynyŋ äleumettık-gumanitarlyq damuyndaǧy asa üzdık jetıstıkterı üşın jazuşy İlia Jaqanovqa, elımızdıŋ densaulyq saqtau salasyn damytudaǧy asa üzdık jetıstıkterı üşın Qazaq taǧamtanu akademiiasynyŋ prezidentı Töregeldı Şarmanovqa berıldı.
«Otan» ordenımen aqyn Nūrjan Svetqali; I därejelı «Barys» ordenımen L.Gumilev atyndaǧy Euraziia ūlttyq universitetınıŋ professory Jandarbek Mälıbekūly, aqyn Nūrlan Orazalin; III därejelı «Barys» ordenımen Almaty oblysy Ardagerler keŋesınıŋ töraǧasy Ermek Kelemseiıt, Almaty qalasy Qazaqstan halqy Assambleiasy Qoǧamdyq kelısım keŋesınıŋ töraǧasy Ahmetjan Şardinov, Küres federasiiasynyŋ prezidentı Däulet Tūrlyhanov, äl-Farabi atyndaǧy Qazaq ūlttyq universitetınıŋ rektory Janseiıt Tüimebaev, L.Gumilev atyndaǧy Euraziia ūlttyq universitetınıŋ prorektory Dihan Qamzabekūly, Almaty oblysy äkımınıŋ bırınşı orynbasary Läzzat Tūrlaşov jäne basqalar nagradtaldy.
«Parasat» ordenımen mädeniet, ǧylym jäne bılım qairatkerlerı, būqaralyq aqparat qūraldarynyŋ ökılderı marapattaldy. Olardyŋ qatarynda Ūlttyq ǧylym akademiiasynyŋ müşesı Kärımbek Kūrmanäliev, M.Qozybaev atyndaǧy Soltüstık Qazaqstan universitetınıŋ aǧa oqytuşysy Pavel Afanasev, Parlament Mäjılısınıŋ deputattary Berık Äbdıǧaliūly, Edıl Jaŋbyrşin bar.
Sportty damytu direksiiasy pauerlifting komandasynyŋ jetekşısı Sergei Syrulnikov II därejelı «Dostyq» ordenımen marapattaldy.
«Qūrmet» ordenımen saiasattanuşy Daniiar Äşımbaev, Qoldanbaly etnosaiasi zertteuler institutynyŋ direktory Talǧat Qaliev, Adam qūqyqtary üşın hartiianyŋ atqaruşy direktory Jemıs Tūrmaǧambetova, Taraz qalalyq köpbeiındı auruhanasynyŋ bölım meŋgeruşısı Ernar Edılbaev, belsendı Orynbasar Seiıtov, «Mir Evrazii» qorynyŋ prezidentı Eduard Poletaev, Şymkent qalasy Auǧan soǧysy ardagerlerı odaǧynyŋ töraǧasy Ǧalymjan Maihanov, qoǧam qairatkerı Däuren Tälıpov, jyrşy Arǧyn Bisenov, Q.Ospanov atyndaǧy №1 balalar-jasöspırımder sport mektebınıŋ basşysy Nūrjan Ermaǧambetov, Almaty qalalyq №7 klinikalyq auruhanasynyŋ bölım meŋgeruşısı Esenai Espenbetov nagradtaldy. «Qūrmet» ordenıne jalpy 94 adam ie boldy.
«Eren eŋbegı üşın» medalımen «Adyrna» qorynyŋ prezidentı Arman Äubäkır, Pavlodar oblysy aumaqtyq käsıpodaqtar bırlestıgınıŋ baspasöz hatşysy Konstantin Muzalevskii, Qazaq ūlttyq öner universitetınıŋ aǧa oqytuşysy Ūlarbek Nūrǧalym marapattaldy. Osy medalmen barlyǧy 25 adam nagradtaldy. «Şapaǧat» medalıne 68 volonter, mesenat jäne basqa da azamattar ie boldy. Olardyŋ qatarynda jurnalist Aleksandra Myskina, «Ümıt-Nadejda» mügedekter ūiymynyŋ töraǧasy Düisenǧali Ospanov, «Okean» PİK jūmyskerı Arlan Mütışev, «Paybox.money» JŞS departament direktory Mariia Chechina, R.Baiseiıtov atyndaǧy Semei qarjy-ekonomikalyq kolledjınıŋ studentı Mereibek Maǧabilov, «Bogatyr-Kömır» JŞS jol maşinalaryn retteuşı Evgenii Şarifullin, volonter Aigerım Dosqalieva bar.
“Adyrna” ūlttyq portaly
