Memleket basshysy qarjylyq monıtorıng agenttiginiń tóraǵasy Janat Elımanovty qabyldady. Qarjylyq monıtorıng agenttiginiń bıylǵy 9 aıda atqarǵan jumystarynyń nátıjesi jáne aldaǵy ýaqytqa arnalǵan jospary baıandaldy, dep habarlaıdy«Adyrna» ulttyq portaly Aqordanyń baspasóz qyzmetine silteme jasap.
Baspasóz málimetine sáıkes, Qasym-Jomart Toqaevqa jyl basynan beri memleketke jalpy somasy 217 mıllıard teńge bolatyn aktıvter qaıtarylǵany, sondaı-aq kóleńkeli ekonomıkanyń deńgeıi 18,7 paıyzǵa deıin tómendegeni jóninde málimet berildi.
Sonymen qatar Janat Elımanov quqyq qorǵaý organdaryna 229 taldaý materıaly joldanǵanyn, esirtki satýshylardyń qarjylyq operaııalaryn buǵattaý tájirıbesi jolǵa qoıylǵanyn aıtty. Bul jumys azamattardy, ásirese jastardy, esirtkini onlaın satyp alýdan saqtaıdy.
Onyń aıtýynsha, esirtkiniń zańsyz aınalymynan túsetin kiristerdi jylystatý úshin paıdalanylǵan 924 banktik shot buǵattalǵan. Krıptoaktıvterdi paıdalana otyryp jasalatyn ekonomıkalyq qylmystarǵa qarsy is-qımyl jónindegi arnaıy bólimshe qurylǵan. Krıpto-ámııandarǵa tyıym salý jáne ıfrlyq valıýtany alyp qoıý tetigi ázirlengen. Zańsyz 9 krıpto almastyrǵyshtyń qyzmeti joıylǵan. Ondaǵy qarjy aınalymy 17 mıllıard teńgeden asqan.
Prezıdentke Qazaqstanda alǵash ret krıptovalıýta arqyly qylmystyq jolmen tapqan 47 mıllıon teńge tabys tárkilenip, Agenttiktiń Binance krıptobırjasyndaǵy arnaıy shotyna salynǵany jóninde baıandaldy. Budan bólek, terrorıstik jáne ekstremıstik uıymdardyń shottaryna qarajat aýdarýdy kózdegen 976 áreket anyqtalyp, buǵattalǵan. Ekonomıkalyq quqyq buzýshylyqtardyń keıbir belgileri boıynsha qylmystyq qýdalaýdy jeńildetý (dekrımınalızaııa) týraly usynystar engizilgen. Bul kásipkerlerdi qorǵaý sharalaryn kúsheıtýge múmkindik beredi.
Qasym-Jomart Toqaev qarjylyq monıtorıng agenttiginiń tóraǵasyna agenttik qyzmetiniń negizgi baǵyttary boıynsha birqatar naqty tapsyrma berdi. Memleket basshysy adal bıznesti qorǵaý, qarjy jáne ekonomıkalyq qylmystarǵa qarsy kúres sharalaryn kúsheıtý qajet ekenin erekshe atap ótti.
«Adyrna» ulttyq portaly
