Janat Elimanov: Jyl basynan berı memleketke 217 mlrd teŋgenıŋ aktivterı qaitaryldy

Memleket basşysy qarjylyq monitoring agenttıgınıŋ töraǧasy Janat Elimanovty qabyldady. Qarjylyq monitoring agenttıgınıŋ biylǧy 9 aida atqarǧan jūmystarynyŋ nätijesı jäne aldaǧy uaqytqa arnalǧan jospary baiandaldy, dep habarlaidy«Adyrna» ūlttyq portaly Aqordanyŋ baspasöz qyzmetıne sılteme jasap.

Baspasöz mälımetıne säikes, Qasym-Jomart Toqaevqa jyl basynan berı memleketke jalpy somasy 217 milliard teŋge bolatyn aktivter qaitarylǧany, sondai-aq köleŋkelı ekonomikanyŋ deŋgeiı 18,7 paiyzǧa deiın tömendegenı jönınde mälımet berıldı. Sonymen qatar Janat Elimanov qūqyq qorǧau organdaryna 229 taldau materialy joldanǧanyn, esırtkı satuşylardyŋ qarjylyq operasiialaryn būǧattau täjıribesı jolǧa qoiylǧanyn aitty. Būl jūmys azamattardy, äsırese jastardy, esırtkını onlain satyp aludan saqtaidy. Onyŋ aituynşa, esırtkınıŋ zaŋsyz ainalymynan tüsetın kırısterdı jylystatu üşın paidalanylǧan 924 banktık şot būǧattalǧan. Kriptoaktivterdı paidalana otyryp jasalatyn ekonomikalyq qylmystarǧa qarsy ıs-qimyl jönındegı arnaiy bölımşe qūrylǧan. Kripto-ämiiandarǧa tyiym salu jäne sifrlyq valiutany alyp qoiu tetıgı äzırlengen. Zaŋsyz 9 kripto almastyrǧyştyŋ qyzmetı joiylǧan. Ondaǧy qarjy ainalymy 17 milliard teŋgeden asqan. Prezidentke Qazaqstanda alǧaş ret kriptovaliuta arqyly qylmystyq jolmen tapqan 47 million teŋge tabys tärkılenıp, Agenttıktıŋ Binance kriptobirjasyndaǧy arnaiy şotyna salynǧany jönınde baiandaldy. Būdan bölek, terroristık jäne ekstremistık ūiymdardyŋ şottaryna qarajat audarudy közdegen 976 äreket anyqtalyp, būǧattalǧan. Ekonomikalyq qūqyq būzuşylyqtardyŋ keibır belgılerı boiynşa qylmystyq qudalaudy jeŋıldetu (dekriminalizasiia) turaly ūsynystar engızılgen. Būl käsıpkerlerdı qorǧau şaralaryn küşeituge mümkındık beredı. Qasym-Jomart Toqaev qarjylyq monitoring agenttıgınıŋ töraǧasyna agenttık qyzmetınıŋ negızgı baǧyttary boiynşa bırqatar naqty tapsyrma berdı. Memleket basşysy adal biznestı qorǧau, qarjy jäne ekonomikalyq qylmystarǧa qarsy küres şaralaryn küşeitu qajet ekenın erekşe atap öttı.

«Adyrna» ūlttyq portaly