Berık Äbdıǧaliūly Torǧai öŋırın damytu turaly memlekettık baǧdarlama qabyldau kerek ekenın atap öttı. Būl jönınde Mäjılıs deputaty Qasqa Jol Youtube arnasyna bergen sūhbatynda aitty.
«Torǧai öŋırındegı adam sany kürt azaiyp kettı. Arqalyqtyŋ özınde 30 myŋǧa juyq qana. Mümkın sony eseptep oblys etpei jatqan şyǧar. Bıraq oblys bolmasa da Torǧai öŋırınıŋ damuyna arnaiy memlekettık baǧdarlama qabyldanuy kerek. Arqalyq qalasy öte tozyp kettı. Ǧimarattary tozǧan, halyqtyŋ tabysy azaiǧan. Joldy retteu kerek. Arqalyqtan Torǧai arqyly Yrǧyz, Aqtöbege ketetın ülken trassa bolsa eken deimız. Önerkäsıptı de damytu qajet», - dedı Berık Äbdıǧaliūly.Deputat osy aitylǧandar jüzege asqannan keiın oblysty qaita qūruǧa bolatynyn aitady.
«Eger bolaşaqta ekonomikasy rettelıp, zauyttar qaita soǧylyp, adam sany köbeiıp jatsa Torǧai oblysynyŋ da aşylu kezegı keledı. Arqalyqta oblystyq infraqūrylym jaqsy saqtalyp tūr. Ortalyq bola alady»,- dep pıkır bıldırdı ol.Eske salsaq, Prezident Toqaev 16 nauryzdaǧy halyqqa Joldauynda Ūlytau, Jetısu, Abai oblystary qūrylatynyn mälımdegen. Odan keiın köpşılık Torǧai oblysyn qūru jönınde de ūsynystar aita bastady. Baǧdarlamany tömendegı sılteme arqyly tolyq köre alasyz: https://www.youtube.com/watch?v=mUvy1rlsQN4&t=3045s
“Adyrna” ūlttyq portaly
