Berik Ábdiǵalıuly Torǵaı óńirin damytý týraly memlekettik baǵdarlama qabyldaý kerek ekenin atap ótti. Bul jóninde Májilis depýtaty Qasqa Jol Youtube arnasyna bergen suhbatynda aıtty.
«Torǵaı óńirindegi adam sany kúrt azaıyp ketti. Arqalyqtyń ózinde 30 myńǵa jýyq qana. Múmkin sony eseptep oblys etpeı jatqan shyǵar. Biraq oblys bolmasa da Torǵaı óńiriniń damýyna arnaıy memlekettik baǵdarlama qabyldanýy kerek. Arqalyq qalasy óte tozyp ketti. Ǵımarattary tozǵan, halyqtyń tabysy azaıǵan. Joldy retteý kerek. Arqalyqtan Torǵaı arqyly Yrǵyz, Aqtóbege ketetin úlken trassa bolsa eken deımiz. Ónerkásipti de damytý qajet», - dedi Berik Ábdiǵalıuly.
Depýtat osy aıtylǵandar júzege asqannan keıin oblysty qaıta qurýǵa bolatynyn aıtady.
«Eger bolashaqta ekonomıkasy rettelip, zaýyttar qaıta soǵylyp, adam sany kóbeıip jatsa Torǵaı oblysynyń da ashylý kezegi keledi. Arqalyqta oblystyq ınfraqurylym jaqsy saqtalyp tur. Ortalyq bola alady»,- dep pikir bildirdi ol.
Eske salsaq, Prezıdent Toqaev 16 naýryzdaǵy halyqqa Joldaýynda Ulytaý, Jetisý, Abaı oblystary qurylatynyn málimdegen. Odan keıin kópshilik Torǵaı oblysyn qurý jóninde de usynystar aıta bastady.
Baǵdarlamany tómendegi silteme arqyly tolyq kóre alasyz:
“Adyrna” ulttyq portaly
