Almaty qalasynda ekı kün qatarynan jastardyŋ basyn qosqan şaralar öttı. 18-nauryz künı Almaty arenada 15 myŋ jastyŋ qatysuymen konsert ūiymdastyrylsa, 19-nauryz künı Almatyda 2 myŋ jastyŋ qatysuymen prezidenttıŋ baǧytyn qoldau aksiiasy ūiymdastyryldy. Almaty äkımdıgınıŋ būl şarasyn joǧary baǧalap jatqan jandar sany köp emes. Ony äleumettık jelıdegı pıkırlerden körsek bolady.
Mysaly Feisbuk jelısınıŋ qoldanuşysy Orazai Qydyrbaev bylai depi jazypty: "Tüsıngenım boiynşa, keşe Almaty Arenada prezident Toqaevty qoldaityn saiasi konsert ötken. Ol konsertke myŋdaǧan jas öz erkımen kelıp qatysqan. Alaida olardyŋ köbı konserttıŋ saiasi sipatta ötetının bılmegen: süiıktı tanymal änşıler tegın öner körsetetının estıp, quana barǧan. Soŋynda ūiymdastyruşylar jastardy massovka retınde paidalanyp ketken.
Biyl bırneşe beibıt jiynǧa qatysqan adam retınde mynany aita alamyn: azamattar öz qalauymen kelıp qatysqan mitiŋde kompiuterge terıp basylǧan bırkelkı plakattar bolmaidy. Alaŋǧa öz qalauymen, öz pozisiiasyn aşyq bıldıruge kelgen tūlǧalar fotoǧa tüsırgen kezde jüzın jasyrmaidy, kerısınşe, özın maqtana körsetedı!Eŋ jamany ne, bılesız be?
Qazırdıŋ özınde keşegı konsert pen bügıngı mitiŋdıŋ fotolary poezidentke jetıp barǧan şyǧar. Ärine, oǧan jastardyŋ tanymal änşılerdı tyŋdau üşın barǧany, universitet tapsyrma bergenı üşın mitiŋge qatysqany aitylmaidy. Osynşama jastyŋ ony qoldaityny ǧana aitylady. Sosyn aradan jyldar ötkende, özın mūndai ystyq yqylaspen jaqsy körgen halqy qalai ǧana oǧan ornatylǧan eskertkıştı qiratyp tastaǧanyn tüsıne almai älek bolady", - deptı.
(Suret almaty.tv saitynan alyndy)
Al saiasattanuşy Şalqar Nūrseiıtov bolsa öz oiyn bylai tızbekteidı: "Toi-mitingıden mynadai optimist oimen qaittym: Aldaǧy prezident jäne parlament sailaularynda elektorattyŋ qoldauynan jūrdai “Amanat” tas-talqan bolyp jeŋıledı. Ol üşın azamattyq qoǧam bolyp sailaulardyŋ ädıl ärı aşyq ötuıne qol jetkızuımız kerek. Öitkenı Qazaqstan jaŋa eskı nūrotandyqtardyŋ ǧana otany emes".
(Suret almaty.tv saitynan alyndy)
Jurnalist Ruslan Medelbek bolsa bylai deidı: "Baǧlan degen änşı keşegı jastardyŋ jaŋa Qazaqstandy qoldau daŋǧazasynda "baqytty elmız, prezidentımız bes tıl bıledı" deidı... Bes-alty jas "Bızdıŋ prezident bes tıl bıledı? Senıŋ prezidentıŋ şe?" degen plakatpen jür. Baqytty el prezidenttıŋ bes tıl bılgenımen ölşenbese kerek. Bes tıl bılmei-aq elın baqytty etken, bai etken elderdı bılemız. Baqyttyŋ ölşemın bükıl elge tanbau kerek. Baqytty elden jastar ketpese kerek, baqytty elde korrupsiia, tanys arqyly ösu bolmasa kerek. Baqytty elde är jas bolaşaǧyna sense kerek. Baqytta elde qysyltaiaŋ şaqta daŋǧazaǧa bır tiyn da şaşpasa kerek... Baqyt degen susymaly ūǧym ǧoi, bıraq baqyt degendı bilık ia halyqtyŋ qaltasynan özıne baqyt zonasyn qūryp alǧan änşısymaqtar emes auylda suǧa, jaryqqa, tüzu jolǧa qoly jetpei otyrǧan qarapaiym halyq, türmede azaptalǧan, balam azaptaldy dep şyryldaǧan ana, äleumettık lift körmei jürgen jastar da sezınuı tiıs".
(Suret äleumettık jelıden alyndy)
Äleumettık jelı qoldanuşylary Almaty äkımdıgınıŋ jastardy jinap, ötkızgen şarasyn osylaişa türlı synnyŋ astyna aluda. Olar şaraǧa äkımdıktıŋ tıkelei qatysy baryn, mūndai halyqty bilıktıŋ rūqsatynsyz ötkızbeitının de aituda. Basym köpşılıgı "Jaŋa Qazaqstandy eskı ädıspen qūru mümkın emes" dep oi tüiude."Adyrna" ūlttyq portaly
