Qazaqstan pandemiia saldarynan 3 jyl būryn onlain bılım beru jüiesıne köşken bolatyn. Ondaǧy oquşy men studenttıŋ bılım deŋgeiı qai-qaisysyn bolmasyn alaŋdatpai qoimady. Būl jönınde jaqynda Mäjılıs deputaty atanǧan Saiasat Nūrbek “Jelmaia” atalatyn YouTube baǧdarlamaǧa bergen sūhbatynda aityp bergen edı.
“Ekrannyŋ ar-jaǧynan balalar oqydy ma, ata-analary janynda otyrdy ma, älde ata-ana üi tapsyrmasyn oryndady ma, belgısız? Būl ata-ananyŋ deŋgeiı me, balalardyŋ deŋgeiı me tüsınıksız”, - dedı saiasattanuşy.
Sondai-aq, Qazaqstan bılım beru jüiesı paiyzdyq deŋgeige täueldı ekenın aita ketıp, özge elderden artta qalǧanymyzǧa dälel keltıre öttı.
“Qazaqstanda orta bılımde sapanyŋ paiyzy degen jaman närse qalyptasty. Iаǧni, ūstaz 60 paiyzdan astam jaqsy baǧamen oqytuy kerek. Bıraq būl 3-ke oqityn balany 4 qylyp şyǧarady, 4-ke oqityn balany 5-qylyp şyǧarady, 2-ke oqityn balany 3-qylyp şyǧarady. Sondyqtan sapa tüsıp qalady”,- dedı ol.
Bılım jüiesınıŋ taǧy bır alaŋdatar mäselesı - “Bolaşaq” baǧdarlamasymen oqyp kelgen jastardyŋ elımızde jūmyssyz jüruı. Saiasat Nūrbektıŋ aituynşa, olardyŋ bılım deŋgeiımen Qazaqstanda jūmys tabu qiyn. Öitkenı, jūmys beruşınıŋ talaby baǧdarlamamen oqyp kelgen jastardyŋ bılımınen tömen.
“Bız eŋ soŋǧy aqşamyzdy şyǧaryp, myqty baǧdarlamalardy şyǧaryp, şeteldık bılım jüielerınen jartylai fabrikat daiyndaimyz. Būl eŋ sūmdyq närse, tragediia”,- dep qosty.
Qazır bılım beru jüiesı oflain rejimge almasty. 3 jyl būryŋǧy onlain rejimnıŋ zardabyn endı körıp jatyrmyz.
https://youtu.be/TFMazVvqpGQ“Adyrna” ūlttyq portaly
