Aqmola oblysynda mektepterdıŋ jaŋa oqu jylyna daiyndyǧyn baqylaudyŋ negızgı kezeŋı aiaqtaldy. Sanitariialyq-epidemiologiialyq qyzmet mamandary 500-den astam mektep pen 460-tan astam as blogyna monitoring jürgızdı. Būl turaly brifing barysynda Aqmola oblysynyŋ sanitariialyq-epidemiologiialyq baqylau departamentı basşysynyŋ orynbasary Saule Sadvakasova mälımdedı.
Qazırgı taŋda departamenttıŋ baqylauynda 520-ǧa juyq jalpy bılım beretın mektep pen 475 as blogy bar. 2025–2026 oqu jylynda mamandar 29 mektep pen 11 as blogyna tekseru jürgızıp, onyŋ qorytyndysy boiynşa äkımşılık şaralar qabyldandy.
Biyl bılım beru ūiymdaryna sanitariialyq baqylau jürgızu täsılı özgerdı. Zaŋnamaǧa engızılgen özgerısterge säikes, nysandarǧa baryp, monitoring jürgızuge mümkındık berıldı. Būl mektepterdıŋ jaŋa oqu jylyna daiyndyǧyn, al as bloktarynyŋ oquşylardy tamaqtandyrudy ūiymdastyruǧa äzırlıgın aldyn ala baǧalauǧa mümkındık beredı.
«Baqylaudyŋ jaŋa formaty nysandardyŋ oqu jyly bastalǧanǧa deiıngı daiyndyǧyn aldyn ala baǧalauǧa mümkındık beredı. Būl būzuşylyqtardy erte anyqtap, olardy uaqytyly joiuǧa mümkındık beru üşın maŋyzdy», – dedı Saule Sadvakasova.
2026–2027 oqu jylyna daiyndyq aiasynda 1 mausym men 1 şılde aralyǧynda mamandar 503 mektep pen 462 as blogyna monitoring jürgızdı. Ötken oqu jylynda paidalanuǧa berılgen 16 mektep monitoringke engızılgen joq.
Monitoring nätijesınde 300-ge juyq nūsqama berıldı. Negızgı talaptar jöndeu jūmystaryn jürgızu, jaryqtandyru qūrylǧylaryn auystyru, jeldetkış qolşatyrlaryn ornatu, qoqys jinauǧa arnalǧan konteinerlermen qamtamasyz etu jäne nysandardyŋ sanitariialyq jaǧdaiyna qatysty basqa da mäselelerge bailanysty boldy.
«Qazırgı uaqytta berılgen nūsqamalardyŋ oryndaluyn tekserıp jatyrmyz. Anyqtalǧan būzuşylyqtardyŋ joiyluy boiynşa aqparatqa taldau jürgızılude. Būl jūmys jalǧasyp jatyr», – dedı spiker.
Mamandar as bloktarynyŋ daiyndyǧyna da erekşe nazar audardy. Monitoring barysynda qajettı rūqsat qūjattarynsyz jūmys ıstep kelgen nysandar anyqtaldy. Olarǧa qatysty jedel den qoiu şaralary qabyldandy.
Sonymen qatar mektepterdegı tamaqtandyru sapasyn arttyru jūmystary jalǧasuda. 2025 jylǧy 1 qyrküiekten bastap bılım beru ūiymdarynda Bıryŋǧai tamaqtanu standarty engızıldı. Ol balalardyŋ jas erekşelıgıne, mektepte bolu ūzaqtyǧyna, mausymdyq erekşelıkterge jäne arnaiy dietalyq qajettılıkterge säikes as mäzırıne qoiylatyn talaptardy qamtidy.
Qazırgı taŋda oblysta şamamen 63 myŋ bala ystyq tamaqpen qamtylǧan. Onyŋ 54 myŋnan astamy – 1–4 synyp oquşylary.
Jaŋa täsıldıŋ ıs jüzınde qanşalyqty tiımdı ekenın baǧalau üşın Kökşetau qalasynda üş modeldık mektep anyqtaldy. Būl mektepterde as mäzırı men balalardyŋ taǧamdardy naqty tūtynu körsetkışterı tūraqty türde taldanady.
Alǧaşqy monitoring nätijesınde keibır taǧamdardyŋ jelınbei qalu indeksı 50–70 paiyzǧa deiın jetken. Balalardyŋ talǧamyn eskere otyryp, mäzırge özgerıster engızılıp, et jäne aquyz önımderınıŋ ülesı arttyrylǧannan keiın būl körsetkış 5–10 paiyzǧa deiın tömendedı.
«Monitoring balalardyŋ qandai taǧamdardy jaqsy qabyldaitynyn, al qai taǧamdardyŋ ıs jüzınde jelınbei qalatynyn anyqtauǧa mümkındık beredı. Mäzırdı tüzetkennen keiın jelınbei qalu indeksın aitarlyqtai tömendetuge qol jetkızdık», – dedı Saule Sadvakasova.
Mektepterdı jaŋa oqu jylyna daiyndauda jöndeu jūmystary da maŋyzdy baǧyttardyŋ bırı bolyp otyr. Qazırgı uaqytta oblystaǧy 16 nysanda kürdelı jöndeu jūmystary jürgızılude. Onyŋ ekeuınde jöndeu jūmystary aiaqtalǧan, qalǧan mektepterdı tamyz aiynyŋ soŋyna deiın tolyq daiyndyqqa keltıru josparlanǧan.
Aita keteiık, sanitariialyq-epidemiologiialyq baqylau tek tekseru jūmystarymen şektelmeidı. Soŋǧy uaqytta bılım beru ūiymdarynyŋ basşylary men tamaq önımderın jetkızuşılerge arnalǧan 50-ge juyq seminar ötkızıldı. Sonymen qatar 60-qa juyq tıkelei efir ūiymdastyrylyp, äleumettık jelılerde 70-ke juyq aqparattyq material jariialandy.
21 tamyzda departament bazasynda mektepterdıŋ jaŋa oqu jylyna daiyndyǧyna arnalǧan seminar ötedı. Jürgızılgen monitoringtıŋ qorytyndylary oblys äkımdıgınde de qaralady.
Osylaişa, oqu jyly bastalǧanǧa deiın sanitariialyq-epidemiologiialyq qyzmettıŋ negızgı nazary anyqtalǧan būzuşylyqtardy joiuǧa, jöndeu jūmystaryn aiaqtauǧa jäne oquşylar üşın qauıpsız ärı sanitariialyq talaptarǧa sai jaǧdai qalyptastyruǧa baǧyttalady.
