Ūlttyq qauıpsızdık komitetınıŋ būrynǧy töraǧasy Kärım Mäsımovtı qamauǧa alu merzımı ūzartyldy. Sondai-aq Mäsımovtıŋ ısı Qylmystyq kodekstıŋ bes baby boiynşa tergelıp jatyr, dep jazady "Adyrna" ūlttyq portaly. Būl turaly ŪQK Informburo.kz saitynyŋ saualyna jauap bere otyryp habarlady.
«25 aqpanda Nūr-Sūltan qalasynyŋ tergeu soty Kärım Mäsımovke qatysty qamauda ūstau türındegı būltartpau şarasyn 3 aiǧa deiın ūzartty», – delıngen vedomstvonyŋ agenttıkke bergen jauabynda.Tergeu kezınde anyqtalǧan Mäsımovtıŋ mülkı tärkılendı. Mülıktı memleket kırısıne beru turaly şeşımdı sot şyǧarady. ŪQK jedel tergeu toby Mäsımovtı jäne basqa da tūlǧalardy QR Qylmystyq kodeksınıŋ kelesı baptary boiynşa tergep jatqanyn habarlady: – 366-baptyŋ 4-bölıgı – «Para alu»; – 362-baptyŋ 4-bölıgınıŋ 3-tarmaǧy – «Bilıktı nemese lauazymdyq ökılettıkterdı asyra paidalanu»; – 175-baptyŋ 1-bölıgı – «Memleketke opasyzdyq jasau»; – 179-baptyŋ 3-bölıgı – «Qazaqstan Respublikasynyŋ Konstitusiiasyn būzyp, bilikti küşpen basyp aluǧa nemese bilikti küşpen ūstap tūruǧa ne Qazaqstan Respublikasynyŋ konstitusiialyq qūrylysyn küştep özgertuge baǧyttalǧan äreketter»; – 218-baptyŋ 3-bölıgı 3-tarmaǧy – «Qylmystyq qūqyq būzuşylyqtardan tüsken tabystar bolyp tabylatyn mülıktı konversiialau nemese audaru türınde mämıleler jasasu arqyly qylmystyq jolmen alynǧan aqşany jäne (nemese) özge mülıktı zaŋdy ainalymǧa tartu ne mūndai mülıktı ielenu jäne paidalanu».
"Adyrna" ūlttyq portaly
