Pavlodar oblysynda Rojdestvenka aýylynda qardyń erigen sýy 30 úıdi basqan. Bul týraly Tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Sý aýyldaǵy bes úıdiń ishine kirip ketken.
"31 naýryzda saǵat 17.47-de TJD áleýmettik jelilerge júrgizgen monıtorıngi barysynda Pavlodar oblysy, Rojdestvenka aýylynda, Abaı kóshesi, 67-úıge sý kirgenin anyqtady", – dep habarlady departamenttiń baspasóz qyzmeti. Bul týraly oblystyń Tótenshe jaǵdaılary habarlady.
Oqıǵa ornynda jergilikti atqarýshy organdardyń kúshi men quraldarymen sýdy sorý jumystary júrgizilýde. Saǵat 19.30-da Pavlodar qalasynyń garnızon jıyny jarııalanyp, bes adamnan turatyn oblystyq TJD kúshteri men quraldary toby jáne tehnıka sý tasqyny bolǵan jerge jiberildi. Bir saǵattan keıin ol jerge úsh adamnan turatyn jedel-qutqarý jasaǵy tehnıkamen jáne rezeńke qaıyqpen attandy. Qazirgi ýaqytta erigen sýdy sorý jumystary jalǵasýda.
Tótenshe jaǵdaılar departamentinde jaǵdaıdy qardyń kúrt erýinen týyndaǵan sý tasqyny dep málimdedi.
”Adyrna” ulttyq portaly
