Sý resýrstary jáne ırrıgaııa mınıstrligi Qytaımen sý bólý máselesi boıynsha kelissóz júrgizip jatyr, dep habarlaıdy «Adyrna» tilshisi.
«Mınıstrlik Qytaımen 20-dan astam ózen boıynsha kelissóz júrgizip jatyr. Onyń ishinde úsh iri transshekaralyq ózen: Ertis, Ile jáne Emel bar. Búgingi tańda qos memleket arasynda sý bólý máselesi boıynsha arnaıy jumys toby qurylǵan. Qazaqstannyń múddesin jumys tobyna kiretin 20 adam qorǵaıdy»,—delingen habarlamada.
Sý resýrstary jáne ırrıgaııa mınıstri Nurjan Nurjigitovtiń aıtýynsha, taraptar kelisimniń birqatar baptary boıynsha ortaq sheshimge kelgen.
«Qazaqstan men Qytaıǵa ortaq Qorǵas ózeni bar. Eki memleketti bólip aǵatyn ózenniń boıynda Qytaımen birlesip ortaq gıdrotehnıkalyq nysan saldyq. Onyń jumysy 100% avtomattandyrylǵan jáne shlıýzderi sý shekara syzyǵynyń eki jaǵyna birdeı aǵatyndaı etip jasalǵan. Bir tarap shlıýzdi kóbirek nemese azyraq ashqysy kelse, ekinshi jaǵyna da avtomatty túrde týra sondaı kólemde sý aǵady. Osyndaı úlgide Súmbe ózeniniń boıynadaǵy nysanǵa rekonstrýkııa jasaldy. Kelesi kezekte Shyǵys Qazaqstan oblysynda Úlken Ulasty degen ózende de eki tarapqa ortaq nysan salý týraly kelisim bar»,—dedi ol.
