Atyraýdaǵy sapar aıaqtaldy. Bul joly qala qańyrap qalǵandaı áser qaldyrdy. Kóshede beısaýat júrgen jan joq. Sapyrylysqan kólikter de azaıǵan. Al, áýejaı, vokzal, avtobeketterde qujynaǵan halyq kóp.
Jurt jappaı jan-jaqqa jansaýǵalaýda. Qalaǵa qarqyndy qyzyl sý kele jatyr degen úreı bárin beıjaı kúıge túsiripti. Qulsarydaǵy tasqyndy kórgender beıqam emes. Bala-shaǵa, shal-shaýqan men qyz-kelinshekterin Aqtaý, Aqtóbe, Shymkent, Almatyǵa jiberip jatyr. Tipti keıbiri otbasymen kólikke minip, qaýipsiz qalalarǵa aǵylyp jatyr. Eki adamnyń basy qosylsa, “qalaǵa sý kirer me eken?”-degen suraqqa jaýap izdeıdi.
Jaıyqtyń jaǵasy bekitilip, ár mekeme ǵımaratynyń jan-jaǵyn qum toltyrylǵan qappen qalap jatyr. Jer úıde turatyndar da baspanalaryn qorǵap qalýdyń qamyn jasap, qabyrǵalaryna ellofanmen gıdroızolıaııa jasaýda. Tipti teńizdiń kómeıi tazalanyp, tabany tereńdetilýde. Qala ishindegi qurǵap qalǵan kanaldardyń arnasy ashylyp, júzdegen tehnıka kúni-túni jumys istep jatyr. Áskerde júrgen 1500 jaýynger Atyraýǵa kelip, Mahambet pen Inder aýdandaryna attanypty. Olar bógetter salyp, tasqyndy qalaǵa keltirmeýdiń qamyn jasaıdy.
Bir sózben aıtqanda, Atyraýda alasapyran bolyp jatyr. 30 jylda jasalmaǵan jumystar sońǵy 15 kúnde atqarylýda. Ákimder, jany murnynyń ushyna taqalǵanda typyrshyp jatyr. Qaıynjurtqa tynyshtyq tileımin. Tasqyn bolmaı-aq qoısyn. Atyraýǵa tek jaqsy dúnıe jazý úshin keleıik.
Dıas Nuraqyn
