Reseide su tasqyny endı bastalǧan siiaqty. Onyŋ bızge äserı bar ma? Reseidıŋ bızben şekaralas aimaqtarynyŋ aua raiy bızden suyq bolǧandyqtan, mūz ben qar endı erıp, özen sulary endı köterıle bastaǧandai. Künı keşe ǧana Orynbor oblysynyŋ Orsk qalasyndaǧy su qoimasy jarylyp ketıp, Orsk qalasyn su şaia bastady. Būl qala bızdıŋ şekaramyzdan 15-18 şaqyrymda jatyr eken. Edäuır ülken qala eken, 150 myŋnan astam tūrǧyny bar. Qalanyŋ üş audanynyŋ ekeuı su astyna ketetın qauıp bar. Tünde su basqanda üş adam köz jūmyp, 6 adam joǧalyp ketıptı. 4 myŋnan astam üi bır tünde suǧa ketken.
Orsk qalasy ǧana emes, Orynbor qalasynyŋ şetkerı audandaryna da su kıre bastaǧan. Myŋdaǧan adamdy qauıpsız aimaqqa ketuge şaqyruda. Köşkısı kelmeitınderdı polisiiamen küştep evakuasiialau bastalǧan.
Būl ekı qala da Ural özenınıŋ boiynda jatyr. Uralymyz Jaiyq qoi. Özderı
de Iаik deitın, qazır Ural deidı. Özennıŋ suy qazır 9,3 metrge jetken, tünde ǧana 7 metr edı. Sūmdyq su kelıp jatyr. Būl su Qazaqstanǧa jete me, joq pa belgısız. TJM Orsk dambasynyŋ jaryluynan tuyndaǧan su Qazaqstanǧa jete qoimaitynyn aitqan, reseilık sarapşylar da solai deidı. Alaida Jaiyq suynyŋ köterıluı äser etuı mümkın-au. Oǧan qatty daiyndalu qajet.
Jalpy Resei aimaqtaryndaǧy su tasqyny soltüstıgıne qarai jyljyp barady eken. Öitkenı aua raiy oŋtüstıkten soltüstıkke qarai jylynyp keledı. Cheliabı, Altai, Omby, Samara, Novosıbır aimaqtarynda da su tasqyny bastalǧan. Özender suy köterılıp jatyr eken. Resei aqparat közderı Orynbor aimaǧyndaǧy su tasqynyn soŋǧy bır ǧasyrda bolmaǧan tasqyn dep jazuda. Marii Elde de su qoimasy jarylǧan degen aqparat bar, alaida būl naqty emes.
Ūqsas jaŋalyqtar
