AMANAT partiiasy Prezident Joldauyn qoldap, mälımdeme jasady

AMANAT partiiasynyŋ Atqaruşy hatşysy Ashat Oralov Memleket basşysy – Partiia Töraǧasy Qasym-Jomart Toqaevtyŋ Joldauyn talqylau üşın barlyq öŋırdegı partiia aktivımen beinekonferensiia bailanysy arqyly keŋes ötkızdı.

Kezdesu barysynda Ashat Oralov  Prezidenttıŋ reformalary men baǧytyn qoldaityn AMANAT partiiasynyŋ mälımdemesın jariialady. Mälımdemede biyl qasırettı qaŋtar oqiǧasyn bastan keşken Qazaqstan halqy syn saǧatta jūdyryqtai jūmylyp, radikalizm men ekstremizmdı qoldamai, progress pen igı özgerıster jalǧasyn tabuyn qalaǧany aityldy. «Elımız damudyŋ jaŋa kezeŋıne – Jaŋa Qazaqstanǧa aiaq basty. Būl bızdıŋ san ǧasyrlyq tereŋ tarihymyzdaǧy betbūrysty jäne taǧdyrşeştı sät. Mūndai jaǧdaida syndarly özgerıster men evoliusiialyq jaŋǧyru ǧana qiyndyqtardy eŋserıp, elımızdıŋ tūraqty damuyn qamtamasyz etedı. El men halyq aldynda tarihi jauapkerşılık alǧan Prezident Qazaqstan halqyna Joldauyn jariialap, elımızdı saiasi, ekonomikalyq jäne äleumettık tūrǧyda reformalaudy tereŋdetuge baǧyttalǧan auqymdy reformalar josparyn ūsyndy», - dedı Atqaruşy hatşy. Ol AMANAT partiiasy Prezidenttıŋ jüielı jäne keŋ auqymdy reformalaryn tolyǧymen qoldaitynyn atap öttı. Osylaişa, Memleket basşysynyŋ reformalary aiasynda partiia özgerısterdı özınen bastap, ışkı transformasiiany qolǧa aldy. «Bız reformalar baǧytyna balama joq ekenıne senımdımız. Saiasi liberalizasiia jäne äleumettık ädılettılık – būl azamattardyŋ ötınışterıne der kezınde berılgen jauap. Bız barşa qazaqstandyqtardy bırlık pen yntymaqqa, barlyq qoǧamdyq-saiasi küşterdı toptasuǧa şaqyramyz. Bızdıŋ bırlıgımız nyǧaiǧanda ǧana Täuelsızdık pen Memlekettılıktı berık etıp, ortaq Otanymyz ben  barlyq azamattardyŋ äl-auqatyn arttyra alamyz!», - dep atap öttı Ashat Oralov. Respublikalyq jiyn barysynda bügın Memleket basşysynyŋ Joldauynda aitylǧan şaralardy ıske asyruǧa qatysty bırqatar naqty tapsyrmalar berıldı. Sondai-aq beinekonferensiia bailanysy arqyly ötken jiynda Batys Qazaqstan, Qaraǧandy oblystyq filialdarynyŋ atqaruşy hatşylary Mūrat Mūqaev pen Bekzat Altynbekov, Almaty oblystyq filialynyŋ atqaruşy hatşysy Gülnär Toilybaeva, Şymkent qalalyq filialynyŋ atqaruşy hatşysy Janar Bektaeva jäne Şyǧys Qazaqstan oblystyq filialy atqaruşy hatşysynyŋ orynbasary Aigül Baijanova söz söiledı. Olar Prezident jüielı problemalarmen küresudıŋ naqty tiımdı tetıkterın ūsynǧanyn atap öttı. Memleket basşysynyŋ saiasi bastamalary eldı odan ärı damytu jäne qoǧamdyq kelısımdı nyǧaitu üşın özgerıster jasaudyŋ maŋyzdy ärı özektı ekenın körsetedı.