Ǵalamtor betterinde «Shyǵys Qazaqstan oblysynda alty jasar bala narkodıspanserde esepte tur» degen aqparat tarap ketken.
Máseleniń anyq-qanyǵyn bilý úshin «Dıdar» gazetiniń tilshisi atalǵan ortalyqqa baryp, mán-jaıǵa qanyqqan eken. Jazýynsha, ondaǵy jaǵdaı múldem basqasha.
«Birinshiden, «aty shýly» alty jasar bala narkologııalyq dıspanserde osydan úsh jyl buryn emdelip shyǵypty. Áýeli jedel járdem aýrýhanasyna jetkizilgen balanyń jaǵdaıy týraly ortalyqqa polıııa qyzmetkerleri habar bergen kórinedi.
Tekserý barysynda onyń ishimdik ishkeni naqtylanǵan. Bul jaǵdaıdyń buryn da áldeneshe ret qaıtalanǵanyn áńgime barysynda keıipkerdiń ózi de rastaǵan eken.
Ekinshiden, balaqaıdyń maskúnemdikke salynǵan dánemesi joq. Balalar dárigeri Manap Qalıevtiń aıtýynsha, alkogolızm dıagnozy qoıylǵanmen, bala ay sýǵa táýeldilikke urynbaǵan. Bul bar bolǵany ata-ananyń salǵyrttyǵynan týyndaǵan keleńsizdik kórinedi»
Balany mamandar aı saıyn baqylaýda ustaǵan. Keıin jaǵdaıy jaqsarǵandyqtan «táýekel tobynan» bosatylǵan. Áıtse de, osyǵan uqsas oqıǵa oblysta ekinshi ret qaıtalanypty.
Buǵan deıin Rıdder qalasynda ay sýǵa masaıǵan jeti jasar búldirshin aýrýhanaǵa jetkizilgen. Dárigerler osyǵan uqsas jaǵdaıda ortalyqqa kelip túsetin jetkinshekter sany azaımaı turǵanyn aıtypty, tipti sońǵy bes-alty jylda bul kórsetkish joǵarylamasa, tómendemegen.
«Bastapqyda ortalyqqa tek ishimdik pen shylymǵa áýes jasóspirimder qaralýǵa keletin. Bertin kele mektep oqýshylarynyń arasynda nasybaıǵa áýestik pen toksıkomanııa beleń ala bastady. Onymen de kúresip jatyrmyz. Esirtkilik zattarǵa urynǵandar da boldy. Qazirgi ýaqytta paragenerator degen shyqty. Ony kóbisi «elektrondy shylym» deıdi. Biraq ol - kózaldaý. Shyndyǵynda, ol qaltadaǵy kalıan. Quramynda nasha qospalary bar. Osylardyń bári jasóspirimderdiń densaýlyǵyna zııanyn tıgizip jatqanyn qaıtersiz»-deıdi dárigerler.
___________________________________________________________________________________________________________
inform.kz
