Aqmola oblysy Zerendı audanynda «Sarap» eksperttık klubynyŋ aimaqtyq «Jaŋa Qazaqstan: Jaŋaru men jaŋǧyru joly» atty otyrysy öttı.
2 säuır künı Aqmola oblysy Zerendı audanynda Memleket basşysy Qasym-Jomart Toqaevtyŋ «Jaŋa Qazaqstan: Jaŋaru men jaŋǧyru joly» atty Qazaqstan halqyna Joldauyn talqylauǧa arnalǧan «Sarap» eksperttık klubynyŋ otyrysy öttı.
Aimaqtaǧy ıs-şaraǧa QR Aqparat jäne qoǧamdyq damu vise-ministrı Qadyrov Daniiar Ramazanūly, «Ş. Uälihanov atyndaǧy Kökşetau memlekettık universitetı» KeAQ Äleumettık-mädeni damu jönındegı Prorektory Baitoq Ǧalym Simbekūly, «Qazaqstandyq qoǧamdyq damu institutynyŋ» KeAQ Basqarma Töraǧasy Maigeldinov Qazbek Ömırzaqūly, jergılıktı belsendıler men audan tūrǧyndary qatysty.
«Sarap» eksperttık klubynyŋ otyrysyn Qazaqstan Respublikasynyŋ Aqparat jäne qoǧamdyq damu vise-ministrı Qadyrov Daniiar Ramazanūly aşty. Ol el damuynyŋ özektı mäselelerın şeşuge belsendı azamattardy tartu maqsatynda müddelı memlekettık organdarmen bırlesıp, onyŋ barlyq kezeŋderınde memlekettık şeşımderdı qabyldau üderısıne ÜEŪ-dy tartu tetıkterı jetıldırıletının atap öttı.
«Ärbır şeşım jan-jaqty saraptalady. Sondai-aq, Parlament qabyrǧasynda azamattar men memleket arasyndaǧy özara ıs-qimyldyŋ jaŋa sapalyq qaǧidattaryn qalyptastyratyn qoǧamdyq baqylau turaly zaŋ jobasy da talqylanuda. Ūlttyq Qūryltaidyŋ qūryluy aşyq qoǧamdy qalyptastyrudaǧy jäne «estuşı memleket» tūjyrymdamasyn jüzege asyrudaǧy maŋyzdy qadam bolyp tabylady. Ony qūruǧa respublikanyŋ tükpır-tükpırınen jäne ärtürlı oblystardaǧy azamattyq qoǧam ökılderınıŋ barynşa tartylady», – dep tüiındedı sözın vise-ministr.
Öz kezegınde Qazaqstandyq qoǧamdyq damu institutynyŋ Basqarma Töraǧasy Maigeldinov Qazbek Ömırzaqūly Prezident Joldauynyŋ negızgı aspektılerın atap ötıp, jaŋa saiasi reformalar saiasi transformasiianyŋ logikalyq jalǧasy bolǧanyn atap öttı:
«Joldau aiasynda basty qoiylǧan talap – saiasi reforma. Būl joldaudyŋ jergılıktı halyqqa, belsendı azamattarǧa, ükımettık emes ūiymdarǧa, jalpyǧa tigızetın paidasy nede? Būdan şyǧatyn nätije qandai degen sūraqtar tuyndaityny zaŋdy. Sailau jüiesın özgertu jäne saiasi partiialarǧa bailanysty bırşama bastamalar bastaldy. Sonyŋ bırı būǧan deiın oblys äkımı, oblys äkımınıŋ orynbasary partiia filialdarynyŋ basşysy bola alsa, endı zaŋdy türde joǧary lauazym ielerı partiia filialynyŋ basşysy bola almaidy. Oblys äkımı men orynbasary endı mäslihatpen tepe-teŋ jūmys ısteitın bolady. Ekınşı jaǧynan jaŋa saiasi partiialardyŋ paida boluyna alǧyşarttar jasaidy».
Jaŋa Joldauda qozǧalǧan özektı mäseleler boiynşa «Ş. Ualihanov atyndaǧy Kökşetau memlekettık universitetı» KeAQ Äleumettık-mädeni damu jönındegı Prorektory Baitoq Ǧalym Simbekūly:
«Qazaqstannyŋ şyǧysyndaǧy öŋırge ūly Abaidyŋ esımı berılıp, Jetısudyŋ äsem atauy Oŋtüstıktegı jaŋa öŋırdıŋ atauynda körınıs tapty. Al, aqyndar jyrlaǧan Ūlytau öŋırı oblysqa ainaldy.... Al Qyzyljar şe?
Qyzyljar qaida?
1925 jyly Petropavldaǧy orys bolşevikterı būl qalanyŋ atyn Qyzyljar dep özgertkenın bılesız be? İmperatorlyq, al qazır Putindık Resei üşın orys ūlylyǧynyŋ tırek simvolikasyn joǧaltu olardyŋ müddelerıne sai emes ekenın tüsınemın. Sondyqtan orystyŋ basqynşylyq saiasatyna qarsylyq belgısı bolǧan aty aŋyzǧa ainalǧan Kenesary hannyŋ basyn qazaqtarǧa bergısı kelmeidı. Al Soltüstık Qazaqstannyŋ oblys ortalyǧy – Qyzyljarǧa būrynǧy atauynyŋ qaita oraluy Ūly orys imperializmı üşın orasan zor ideologiialyq, geosaiasi, eŋ bastysy simvoldyq joǧaltu. Jaraidy, Kreml osylai oilaidy, bıraq bız qazaqtar tarihymyzdy qaitarǧymyz keledı...», – dep pıkırın bıldırdı.
Otyrys barysynda Prezident joldauy bızdıŋ qoǧamnyŋ eŋ özektı jäne şūǧyl mäselelerın şeşuge baǧyttalǧan ekonomikalyq, äleumettık jäne saiasi şaralar keşenı ekendıgı aityldy.
Aita keteiık, 16 nauryzda Prezident Qasym-Jomart Toqaev Parlament palatalarynyŋ bırlesken otyrysynda Qazaqstan halqyna kezekten tys joldau jasady, ol saiasi reformalar baǧdarlamasyn jäne bırqatar äleumettık-ekonomikalyq şaralardy ıske asyruǧa arnaldy.
«Bız jaŋa Qazaqstanda «Türlı közqaras, bıraq bırtūtas ūlt» qaǧidatyn berık ūstanuǧa tiıspız.
Dialog pen mämılenıŋ joǧary mädenietı elımızdegı azamattyq yntymaqtastyqty arttyratyn basty faktordyŋ bırıne ainalady», – dedı Prezident.
«Qazaqstandyq qoǧamdyq damu instituty» KeAQ
Baspasöz qyzmetı
