Oblystyq Mūqaǧali Maqataev oqulary märesıne jettı

Mūzbalaq aqynnyŋ şyǧarmaşylyǧyn oquşylar arasynda keŋınen nasihattauǧa arnalǧan baiqau kezektı ret oblys deŋgeiınde ötkızıldı. Qazaqtyŋ qara öleŋın şekpen jauyp özıne qaitarǧan aqynnyŋ oqularynyŋ ötuıne Almaty oblysy bılım basqarmasy tärbie jūmysy jäne qosymşa bılım beru bölımınıŋ jäne «Jetısu daryny» oblystyq daryndy balar men talantty jastardy anyqtau jäne qoldau oqu-ädıstemelık ortalyǧy mūryndyq boldy. Mūqaǧali Maqataevtyŋ 91 jyldyǧynyŋ aiasynda jalauy jelbıregen ädebi dodaǧa oblystyŋ är aimaǧynan 63 oquşy qatysty. Poeziiany Mūqaǧalişa süietın daryndylar üş atalym boiynşa baq synady. Qatysuşylar «Aityp ötken aqynda arman bar ma?» atty baǧytta Mūqǧali Maqataevtyŋ öleŋderın jatqa oqysa, «Jyr estafetasy» atalymynda «Aqqular ūiyqtaǧanda», «Altai-Atyrau», «Raiymbek-Raiymbek» poemalaryn jatqa aitty. Al «Kökıregımde jyr säulesı mazdaidy...» baǧytynda oquşy öz şyǧarmaşylyǧynan 3-5 şumaqtan tūratyn öleŋın qazylar alqasynyŋ taŋdauy boiynşa oqydy. Qazylar alqasy qatysuşylardyŋ tılınıŋ tazalyǧy, sahna mädenietı, müdırmei jatqa aituyna, körkem oquyna asa män berdı. Jarys barysynda är oquşynyŋ öner körsetuınen keiın ädıl qazylar ūpailardy körsetıp otyrdy. Baǧalaudaǧy şektı ball-10 ūpai boldy.

« Jyldaǧy dästür boiynşa Mūqaǧali oqulary öttı. Är baǧytqa 1 oquşy, audan-qala boiynşa barlyǧy 3 ümıtker ūsynylady. Bügın mūzbalaq aqynnyŋ şyǧarmalaryna susyndap ösken jastar poeziia bäigesınde baq synady. Özderıŋız bılesızder pandemiia kezınde barlyq jarystar onlain formatta ūiymdastyryldy. Araǧa ekı jyl salyp ülken baiqauda bas qostyq. Osy uaqyt aralyǧynda ūstazdar men saiysqa qatysuşylardyŋ daiyndyqta bırşama aqsaŋdaǧandaryn baiqadyq aldaǧy taŋda būl kemşılıktermen jūmys jasaimyz»,-dedı Almaty oblysy bılım basqarmasynyŋ bas mamany, qazylar alqasynyŋ müşesı Ruslan Arslanov. 5 saǧatqa sozylǧan oblystyq baiqauda kıl myqtynyŋ ışınen, şyn jüirık suyrylyp şyqty. Är bır oquşy qarym-qabıletı men daiyndyq deŋgeiıne qarai jüldelı oryndardan körındı. Saiys qorytyndysy boiynşa, «Aityp ötken aqynda arman bar ma?» atalymyndy Ūiǧyr audanynan kelgen Möldır Ermūqanova, «Jyr estafetasy» baǧytynda Talǧar audanynyŋ namysyn qorǧaǧan Madiiar Erqanat, «Kökıregımde jyr säulesı mazdaidy...» kezeŋınde Eŋbekşıqazaq audanynyŋ oquşysy Erbol Medetbekūly jüldelı 1 oryndy qanjyǧalaryna bailady. Jarysta qatarynan oq boiy oza şauyp, respublikaǧa joldama alǧandardyŋ quanyşynda şek joq. Solardyŋ bırı-Madiiar Erqanat.

« Men «Jyr estafetasyna» qatystym. Jarysqa daiyndyq barysy qyzu öttı. Oblystyq Mūqaǧali oqulary bolǧandyqtan bäsekede myqty bolary anyq. Degenmen, özımnıŋ daiyndyǧyma sendım. Alǧaşqy ainalymnan jüldeger atanatynymdy sezdım»,-deidı Oblystyq Mūqaǧali Maqataev oqularynyŋ 1 oryn iegerı. Är baǧyttaǧy jüldegerler sanyna keler bolsaq, 2 oryn-ekeu, 3 oryn-üşeu boldy. Osylaişa, poeziiany janyna serık etkender laiyqty tūǧyrynan tabyldy.