Ádilet mınıstri Qanat Mýsın tirkeýge qujat tapsyrǵan partııalar týraly aıtty, dep habarlaıdy “Adyrna” ulttyq portaly Sputnik Qazaqstan saıtyna silteme jasap.
"Úsh partııa tirkeýge qujat tapsyrǵan. El Tiregi, Baıtaq, sosyn taǵy bireýi. Biraq olardyń qujattary birneshe ret qaıtarylǵan", - dedi Mýsın jýrnalısterge bergen suhbatynda.
Mınıstrdiń aıtýynsha, partııany uıymdastyrý tobyna kiretin árbir adamnyń jeke málimetteri de kórsetiledi. Biraq qujat tapsyrǵan partııalardyń ishinde málimetti durys kórsetpegender bar.
"Keıbir adamdardyń jeke sáıkestendirý nómiri sáıkes kelmeıdi. Sosyn uıymdastyrý tobynyń tizimine qaıtys bolyp ketken adamdardy kirgizip jibergen. Basqa partııalardyń músheleri de bar. Zań boıynsha olardy aldymen shyǵarý qajet. Eger olar barlyq qujatty durystap tapsyrsa, tirkeımiz, eshqandaı kedergi joq", - dep atap kórsetti Mýsın.
Osy oraıda mınıstr partııany tirkeý talaptarynyń áli ózgermegenin erekshe atap ótti.
Atap aıtqanda, uıymdastyrý tobynyń quramy bir myń adam bolýy kerek. Al partııa músheleriniń sany 20 myńnan kem túspeýi shart.
Prezıdent osy mejeni aıtarlyqtaı tómendetýdi tapsyrdy.
”Adyrna” ulttyq portaly
