Ukraina prezidentı Vladimir Zelenskii äleumettık jelılerdegı paraqşasynda ukrainalyq saiasatker ärı oligarh, "Oppozisiialyq platforma - Ömır üşın" partiiasynyŋ jetekşısı Viktor Medvedchuk ūstalǧanyn mälımdedı. Ony "Putinnıŋ ökıl äkesı" dep te ataidy, - dep habarlaidy “Adyrna” ūlttyq portaly Tengrinews.kz saityna sılteme jasap.
Seisenbı keşınde Ukraina basşysy halyq deputatynyŋ äskeri formada, qoly kısendelgen suretın jariialady.
"Ukrainanyŋ qauıpsızdık qyzmetı arqasynda arnaiy operasiia jasaldy. Jaraisyŋdar! Tolyǧyraq jaqynda belgılı bolady. Ukraina alǧa!"- dep jazdy Zelenskii.
Qauıpsızdık qyzmetınıŋ baspasöz qyzmetı ūstalǧan er adamnyŋ taǧy bır suretın jariialap, Medvedchuk Zelenskiidıŋ tapsyrmasymen ūstalǧanyn habarlady.
"Bırde-bır satqyn jazasyz qalmaidy jäne ol üşın Ukraina Zaŋyna säikes jauap beredı", - deidı İvan Bakanova.
Keiınırek Zelenskii videoündeu jasap, Medvedchuktı orys tūtqynyna tüsken ukrainalyqtarǧa auystyrudy ūsyndy.
"Medvedchuk myrza kosmonavtika künı ūstalǧany öte qyzyq boldy. Ol 48 kün boiy jasyrynyp jürıp, aqyry bızdıŋ memleketten qaşudy ūiǧardy. Äskeri kamufliaj kiıp özın jasyryp qalǧysy kelgen (...)", - deidı Zelenskii.
Kreml Zelenskiidıŋ būl mälımdemesıne bylai jauap berdı:
"Medvedchuk turaly aqparatty kördım. Men mūnyŋ qanşalyqty şyndyq ekenın aita almaimyn, bır närse aitu dūrys bolmas edı", - dedı Resei prezidentınıŋ baspasöz hatşysy Dmitrii Peskov.
Onyŋ sözınşe, jalǧan aqparat öte köp, sondyqtan bärın tekseru kerek.
Viktor Medvedchuk Putinnıŋ Ukrainadaǧy eŋ jaqyn jäne yqpaldy odaqtasy bolyp sanalady. 2021 jyldyŋ mamyrynan bastap ol memlekettık auystyru jäne Ūlttyq resurstardy tonauǧa äreket jasady degen küdıkpen üi qamaqta bolǧan. 27 aqpanda saiasatker qaşyp ketkenı belgılı boldy. Ony ızdestırumen Ukraina qauıpsızdık qyzmetı arnaiy toby ainalysty.
“Adyrna” ūlttyq portaly
