Jambyl oblysy, Turar Rysqulov aýdanynyń turǵyny sotqa qyz jasaýyndaǵy múlkin qaıtaryp alý talabymen júgingen, dep jazady "Adyrna" ulttyq portaly. Bul týraly Jambyl oblystyq soty habarlady.
2021 jyldyń maýsym aıynda talap qoıýshy jaýapkermen musylmandyq nekege turǵan. Toıdan keıin qalyńyqtyń týystary dástúr boıynsha qyz jasaýyn syılaǵan. Alaıda otbasynda oryn alǵan túsinispeýshilikterdiń saldarynan erli-zaıyptylar ajyrasqan. Kúıeý jigittiń týystarynyń qyz jasaýyn qaıtarýdan bas tartýynan keıin, qalyńdyq atalǵan múlikti qaıtaryp alý týraly sotqa júgingen.
"Isti qaraý barysynda sot medıaııasyn júrgizý jolymen taraptar daýdy bitimgerlikpen sheshý týraly kelisim jasady. Onyń sharttaryna sáıkes, jaýapkerler 2022 jyldyń 14 sáýirine deıin talap qoıýshyǵa tizimge sáıkes qyz jasaýyn óz erikterimen qaıtarýǵa mindettendi. Al talap qoıýshy belgilengen merzimde múlikti tıep, áketýge mindettendi", - delingen habarlamada.
Sotpen medıatıvtik kelisimdi bekitý men isti toqtatý saldary túsindirildi. Medıatıvtik kelisimdi bekitý týraly sot uıǵarymy zańdy kúshine endi.
"Adyrna" ulttyq portaly
