Prezıdent Ákimshiligi basshysynyń orynbasary Aıda Balaeva óz Facebook paraqshasynda balalarǵa arnalǵan álemdik deńgeıdegi «TiJi» jáne «Nickelodeon» telearnalarynyń mýltfılmderin qazaqsha aýdarylǵany týraly baıandady, dep habarlaıdy “Adyrna” ulttyq portaly.
“Byltyr álemdik balalar arnalarynyń ónimderin qazaqsha sóıletý jobasyn qolǵa alǵan edik. Nátıjesinde «TiJi» jáne «Nickelodeon» telearnalarymen ortaq kelisimge kelip, búginge deıin eki arnanyń 670 saǵatqa sııatyn mýlt ónimderi qazaq tiline aýdaryldy.
«TiJi» kanalynda mýltfılmdi mázirdegi til tańdaý arqyly qazaqshaǵa aýystyrýǵa bolsa, «Nickelodeon» tek qazaq tilinde habar taratatyn HD sapada bólek arna ashty.
Qazirgi ınternet zamanynda aqparat keńistiginiń shegi joq. Ǵalamtordaǵy mýltfılmder balalardyń tilin qalyptastyratyn negizgi quralǵa aınalyp úlgerdi. Qazir ózimniń de nemerem bar. Sondyqtan men úshin bul másele ata-ana retinde de óte mańyzdy.
Endi osy jasalǵan dúnıeniń paıdaǵa asýyn qamtamasyz etý qajet. Ol úshin negizgi úmitti ata-anaǵa artamyz. Árıne, balaǵa birinshi kezekte anımaııanyń mazmuny qyzyqty. Mýltfılm kórý arqyly qaı tildi bolsyn tez qabyldaıdy. Sondyqtan bul búldirshinderge qazaq tilin úıretýdiń eń tıimdi joly bolatynyna senimdimin.
Osy oraıda biz úlkender balalarǵa qazaq tilindegi mýltónimderdiń bar ekenin aıtyp, qosyp kórsetýimiz qajet.
Barlyq ata-anany osy ıgilikti iske, uıymshyldyqqa shaqyramyn! Barlyǵy ózimizge baılanysty!”,- dep jazdy Aıda Balaeva.
“Adyrna” ulttyq portaly
