Prezident Äkımşılıgı basşysynyŋ orynbasary Aida Balaeva öz Facebook paraqşasynda balalarǧa arnalǧan älemdık deŋgeidegı «TiJi» jäne «Nickelodeon» telearnalarynyŋ multfilmderın qazaqşa audarylǧany turaly baiandady, dep habarlaidy “Adyrna” ūlttyq portaly.
“Byltyr älemdık balalar arnalarynyŋ önımderın qazaqşa söiletu jobasyn qolǧa alǧan edık. Nätijesınde «TiJi» jäne «Nickelodeon» telearnalarymen ortaq kelısımge kelıp, bügınge deiın ekı arnanyŋ 670 saǧatqa siiatyn mult önımderı qazaq tılıne audaryldy.
«TiJi» kanalynda multfilmdı mäzırdegı tıl taŋdau arqyly qazaqşaǧa auystyruǧa bolsa, «Nickelodeon» tek qazaq tılınde habar taratatyn HD sapada bölek arna aşty.
Qazırgı internet zamanynda aqparat keŋıstıgınıŋ şegı joq. Ǧalamtordaǧy multfilmder balalardyŋ tılın qalyptastyratyn negızgı qūralǧa ainalyp ülgerdı. Qazır özımnıŋ de nemerem bar. Sondyqtan men üşın būl mäsele ata-ana retınde de öte maŋyzdy.
Endı osy jasalǧan dünienıŋ paidaǧa asuyn qamtamasyz etu qajet. Ol üşın negızgı ümıttı ata-anaǧa artamyz. Ärine, balaǧa bırınşı kezekte animasiianyŋ mazmūny qyzyqty. Multfilm köru arqyly qai tıldı bolsyn tez qabyldaidy. Sondyqtan būl büldırşınderge qazaq tılın üiretudıŋ eŋ tiımdı joly bolatynyna senımdımın.
Osy oraida bız ülkender balalarǧa qazaq tılındegı multönımderdıŋ bar ekenın aityp, qosyp körsetuımız qajet.
Barlyq ata-anany osy igılıktı ıske, ūiymşyldyqqa şaqyramyn! Barlyǧy özımızge bailanysty!”,- dep jazdy Aida Balaeva.
“Adyrna” ūlttyq portaly
