– Bügıngı taŋda elımızde köp boksşylar äuesqoidan käsıpqoiǧa köptep auysyp jatyr. Būl qazaq boksyna paidaly ma?
– Ärine, qazaq boksy üşın paidaly. Öitkenı, osy arqyly älem qazaq boksyn tübınen tani bastaidy. Gennadii Golovkinnıŋ özın alaiyq. Qanat İslam men Beibıt Şümenov bar. Osy üş jıgıttıŋ arqasynda Qazaqstandy qazır ekonomikalyq nemese jas memleket qana emes, sport memleketı retınde tani bastady.
Qazır älemnıŋ qai jerıne barsaŋ da, osy üş jıgıttıŋ atyn atasaŋ, tanyp jatady. Jas boksşylarymyz da erteŋ barǧan jerınen jeŋıske jetıp jatsa, nūr üstıne nūr ǧoi.
Olar elımızdıŋ tanyluyna ülken üles qosyp jatyr.
– Golovkinnıŋ soŋǧy jekpe-jegıne toqtalsaq. Vanes Martirosianǧa qarsy jekpe-jek turaly oiyŋyz...
– Būl jekpe-jektıŋ qalai aiaqtalatynyn bükıl halyq bıldı ǧoi. Vanes taban astynan taŋdalǧan qarsylas boldy. Nege Derevianchenko emes degen de sūraq tuyndaǧan. Bıraq köbı jekpe-jek besınşı raundqa taman aiaqtalady dep küttı. Kütken nätije merzımınen būryn jasaldy. Martirosian Genaǧa auyr qarsylas boldy dep oilamaimyn. Sebebı, Vanestıŋ deŋgeiı qandai, Gennadiidıŋ deŋgeiı qandai ekenın özderıŋız de bılesızder.
– Endı Golovkinge kelesı qarsylas retınde kımdı taŋdaǧany dūrys?
– Taŋdaudy maǧan salsa, bırınşı kezekte Derevianchenkomen jūdyryqtasyp, öz titulymdy qorǧap qalar edım. Keiın Alvarespen kezdesıp, esemdı qaitarar edım. Keiın ǧana Billi Djo Sonderspen jekpe-jek ötkızıp, barlyq belbeudı jinap, sonymen mansabymdy aiaqtar edım.
__________________________________________________________________________________________________________ nur.kz