Qyzyljarda qalalyq äkımdık jetımderdı tūrǧyn üi kezegınen alyp tastaǧan. Al balalar üiınıŋ tülekterı onan habarsyz bolypty, dep habarlaidy “Adyrna” ūlttyq portaly “Astana” arnasyna sılteme jasap.
Qazır oblys ortalyǧynda päter kezegınde 15 myŋǧa juyq adam tūr. Onyŋ 1700-den astamy – ata-ana qamqorlyǧynsyz qalǧandar. Olardyŋ basym bölıgı baspanaly bolu üşın äkımdıktıŋ tızımıne 10 jyl būryn engen. Al byltyr kezektıŋ qalai jyljyp jatqanyn bılu üşın äkımdıkke barǧanda, tızımde joq ekenderın bılıptı. Şeneunıkter būl keleŋsızdıktı aqparattyq bazanyŋ jaŋartyluymen tüsındırdı.
“Tehnikalyq aqaularǧa bailanysty bızde jetımder sanatynda tūrǧan azamattar kezegınen alyp tastalynǧan bolatyn. Bız tekseru jürgızu aiasynda osyndai problema bar ekenın anyqtadyq. Qazırgı taŋda nauryzdyŋ 24 künı jaŋaǧy 49 azamattyŋ barlyǧy öz kezegıne qaita qoiyldy. Kezegınen jyljyǧan joq”, – deidı Petropavl qalasynyŋ äkımdıgı TÜKŞ bölımınıŋ baspasöz hatşysy Äsem Aitulova.Al prokuratura organdary mäsele tek tehnikalyq aqauda emes dep esepteidı. Qūzyrly organ būl oqiǧaǧa tıkelei qatysy barlardy qazır anyqtap jatyr.
“Qala prokuraturasy äleumettık az qamtylǧan azamattardy kezekke qoiu boiynşa saraptama jūmystaryn jürgızıp, bırqatar olqylyqty anyqtaǧan. Būl jerde tek tehnikalyq aqau ǧana emes, adami faktor da bar. Kezektı bır bazadan ekınşısıne köşıru kezınde bıreu qatelesıp ketken bolar. Sondyqtan qazır bız tekserıs jūmystaryn qolǧa aldyq”, – deidı Petropavl qalasy proekrorynyŋ orynbasary Qaisar Äbışov.
“Adyrna” ūlttyq portaly
