Taıland memleketi Qazaqstanmen bilim salasy boıynsha seriktestik ornatpaq. Bul týraly búgin elimizge resmı is-saparmen kelgen delegaııa músheleri málimdedi, dep habarlaıdy “Adyrna” ulttyq portaly.
Delegaııa quramynda Taıland Koroldigi Parlamentteriniń depýtattary Acaravat Asvahem, Kanok Wongtrangan, Sakuna Saranun, Pimrapee Phanwichatikul, Sakorn Kiewkhong, Qazaqstan Respýblıkasynyń Taıland Koroldigindegi Elshisiniń keńesshisi Erlan Tilenshıev, Bai Mai Phli mektebiniń bas dırektory Muammer Taşcı jáne mekteptiń qoǵammen baılanys jónindegi bólim basshysy Pisut Namcharoenchai boldy. Qonaqtar Sýleıman Demırel atyndaǵy ýnıversıtettiń jumys barysymen, bilim baǵdarlamalarymen tanysty, ǵımaratty aralady.
Bai Mai Phli mektebiniń bas dırektory delegaııanyń ýnıversıtetke bilim salasy boıynsha seriktestik ornatý maqsatynda kelgenin aıtty.
«Biz munda eki maqsatpen keldik. Eń aldymen, bilim salasy arqyly eki memleket arasynda altyn kópir bolýdy, qarym-qatynas ornatýdy josparlap otyrmyz. Stýdenttermen, oqytýshylarmen almasý boıynsha baǵdarlamalarymyz bar. Sýleıman Demırel ýnıversıtetimen seriktestik ornatyp, ortaq jobalardy júzege asyrýǵa daıynbyz. Eki el arasynda baılanys ornatyp, bilim salasynda tájirıbe almasýǵa nıettimiz», – dedi Muammer Taşcı.
SDÝ rektory Davronjon Gaıpov joǵary oqý orny tarapynan yntymaqtastyq ornatýǵa, ortaq jobalar bastaýǵa árdaıym ashyq ekenin jetkizdi.
”Adyrna” ulttyq portaly
