Qazaqstanda áıelderdi bólek vagonǵa jaıǵastyrý jobasy qolǵa alynǵannan keıin er adamdar "Qazaqstan temirjoly" ulttyq kompanııasyna aryz jaza bastady. Bul týraly kompanııanyń buqaralyq aqparat quraldarymen jumys jónindegi departament dırektory Qaısar Jumabaıuly aıtty, dep habarlaıdy «Adyrna» ulttyq portaly.
Aıta keteıik, 2018 jyly "Talgo" poıyzynda bolǵan áıeldi zorlaý oqıǵasynan keıin halyq arasynda áıelderge arnalǵan kýpelerdi engizý bastamasy kóterildi. 2021 jyly áıelderge arnalǵan vagondar jobasy qolǵa alynǵan bolatyn.
"Ókinishke qaraı, er adamdardyń arasynda mundaı vagondar quqyǵymyzdy shekteıdi dep aryzdanǵandar da tabyldy. Áıelder osy bastamany qyzý qoldady. Erler birinshi bolyp qoldaýy kerek qoı", - deıdi Jumabaıuly.
Onyń sózine qaraǵanda, jańa bastamany dinmen baılanystyrǵan er adamdar da bar. Biraq ondaı normanyń dinge eshbir qatysy joq. Bul – tek qaýipsizdik máselesi. Qazirgi kezde áıelderge arnalǵan vagondar bes baǵytta qatynaıdy. Olar:
Almaty - Mańǵystaý;
Almaty - Óskemen;
Almaty - Aqtóbe;
Nur-Sultan - Shymkent;
Almaty - Mańǵystaý.
Aldaǵy ýaqytta ulttyq kompanııa taldaý jumystaryn ótkizip, qajet bolǵan jaǵdaıda áıelderge arnalǵan vagondardy arttyrýdy qarastyryp otyr. Ortaq jáne áıelder vagondarynyń baǵasy birdeı.
Alaıda jolaýshylar tasymalyna joǵary suranys bolǵanda, máselen, jazǵy ýaqytta mqndaı vagondardy uıymdastyrý qıynǵa soǵady.
«Adyrna» ulttyq portaly
