«Qazaqstan temır joly» ūlttyq kompaniiasynyŋ basqarma töraǧasy Talǧat Aldybergenov «ASTANATRANSEKSPRESS» JŞS-nıŋ qūryltaişysy ekenın rastady, dep habarlaidy "Adyrna" ūlttyq portaly.
Būl turaly ol Ükımette ötken brifing barysynda jurnalisterdıŋ sūraqtaryna jauap beru kezınde mälımdedı.
Onyŋ aituynşa, atalǧan kompaniia senımgerlık basqaruǧa berılgen jäne qazırgı uaqytta «Qazaqstan temır jolymen» de, memlekettık qūrylymdarmen de eşqandai ıskerlık bailanysy joq.
«Būl kompaniianyŋ qūryltaişysy ekenım ras. Ol memlekettık qyzmet turaly zaŋ talaptaryna säikes basqaruǧa tapsyrylǧan. Bügınde kompaniia QTJ-men de, memleketpen de jūmys ıstemeidı. Sondyqtan būl jerde müddeler qaqtyǧysy joq, barlyq räsım zaŋnamaǧa säikes oryndalǧan», – dedı Talǧat Aldybergenov.
Sondai-aq jurnalister kompaniia qyzmetın jalǧastyryp jatqany jäne odan tabys alyp otyrǧan-otyrmaǧany jönınde sūraq qoiǧan. Būǧan jauap retınde QTJ basşysy biznestı özı basqarmaitynyn aityp, barlyq qarjylyq jäne basqaruşylyq mäselelermen senımgerlık basqaruşy kompaniia ainalysatynyn jetkızdı.
Aşyq derekközderdegı mälımetke säikes, «ASTANATRANSEKSPRESS» JŞS Astana qalasynda tırkelgen jäne jük tasymaly men kölık-logistikalyq qyzmetterdı ūsynatyn ekspeditorlyq ūiym bolyp sanalady.
