Mańǵystaý oblysynda ásker qataryna alynǵanyna úsh-aq kún bolǵan jas sarbaz esinen adasyp, aýrýhanaǵa tústi, dep habarlaıdy “Adyrna” ulttyq portaly “Habar 24” arnasyna silteme jasap.
19 jastaǵy Talǵat Aımuhanov Quryq aýylyndaǵy teńiz jaıaý áskerinde boryshyn óteýdi bastaǵan. Alaıda aıaq asty ózin birtúrli ustaı bastaǵan. Qazir oblystyq aýrýhanada jatyr. Sarbazdyń týystary onyń áskerge óz erkimen attanbaǵanyn aıtady. Al áskerıler basqasha aıtyp otyr.
Sarbazdy osynda Quryq aýylyndaǵy áskerı bólimsheden jetkizgen. Mundaǵylardyń aıtýynsha, Talǵat kelgennen keıin 3 kún ótken soń ózin birtúrli ustaı bastaǵan. Jaýyngerdiń densaýlyǵyna alańdaǵan bólimshe basshylyǵy dereý Aqtaýǵa jiberdi. Qazir dárigerler tekserý júrgizip jatyr. Al Talǵattyń ata-anasy bul jaǵdaıǵa áskerı qyzmetkerlerdi kinálaıdy.
“Balamdy áskerge 14-i alyp ketti. 18-i kúni habar aıtyp otyr, mamasyna zvandaǵan balań es-tússiz jatyr, balańdy qaratýymyz kerek dep. Aty-jónin bilmeıdi, kelmeseńiz bolmaıdy dep. Keshki saǵat 5-6-da jettik. Balany kórdik, ózimiz shok boldyq, tanymaı qaldym. Balam fýtbolıst, sportsmen bala edi. Óz erkimen barǵan joq, negizi oqyp júrgen bala edi, 11-i kúni tańerteń barady, med-ten óteıin dep, odan óte almaı, sosyn voenchasqa aıtaıyn óte almadym dep, voenkomatqa barady. Barǵan kezde 2 ofıer eki jaǵynan ustap, aýdandyq aýrýhanaǵa aparady. Keshke poıyzǵa mingizip jiberedi Balamdy berse, alyp keteıin dep turmyn, bular bermeı tur”,- deıdi Talǵattyń ákesi.
Talǵat Aıtmuhanov tipti jasyn da aıta almaǵan. Qazir sarbazdyń jaǵdaıy boıynsha áskerı polıııa tekserý júrgize bastady. Quzyrly mekeme ókiliniń málimetinshe, Talǵat Aıtmuhanov medıınalyq komıssııaǵa kelgen kezde densaýlyǵyna shaǵym bolmaǵan. Tipti áskerı bólimshe basshylary onyń óz erkimen otan aldyndaǵy boryshyn óteýge kelgenin aıtady.
“Áskerı shaqyrylýshy retinde Aıtmuhanov qarýly kúshterdiń qatarynda qyzmet óteýge ótinish bildirdi. Oblystyq aýrýhanaǵa jetkizildi. Tekserý nátıjesinde MRT, mıdyń KT jáne mamannyń keńesi, dene jaraqattary men qaýipti potologııalary anyqtalǵan joq. Bıylǵy jyldyń 19 mamyrynda mamandar qaıta tekserý josparlanyp otyr. Áskerge shaqyrýshyny medıınalyq komıssııadan ótkizip, odan ári áskerge jiberý úshin aýdandyq Qorǵanys ister jónindegi bólimge májbúrlep jetkizýge qatysty aqparat naqty emes. Qazir sarbaz ata-anasymen birge qalalyq aýrýhanada jatyr. Psıhıatr dáriger densaýlyǵyna taǵy tekseris júrgizbek. Eger Talǵat Aıtmuhanovtyń esi durys ekeni anyqtalsa, oǵan áskerı boryshyn óteýdi jalǵastyrýǵa týra keledi”, - deıdi 25744 áskerı bólimi komandıriniń orynbasary Renat Sharıpov.
“Adyrna” ulttyq portaly
