Jambyl oblysyndaǧy äskeri bölımde qarauyl bastyǧyna oq tiıp, qaza tapty. Būl aqparatty Işkı ıster ministrlıgınıŋ Äskeri-tergeu departamentı äskerilendırılgen küzettıŋ azamattyq qyzmetkerı qaza tapqan deregın rastady, dep habarlaidy "Adyrna".
Oqiǧa turaly aqparat äleumettık jelılerde tarady. Habarlamada 15 nauryz künı qarauyldyŋ üşınşı postynda küzetşı qarudan kezdeisoq oq atyp, bastyǧyna tigızgenı aitylǧan.
Jaralanǧan adam auyr jaǧdaida äskeri gospitalge jetkızılgenımen, ony qūtqaru mümkın bolmaǧan.
«Jambyl oblysynda äskerilendırılgen küzettıŋ azamattyq qyzmetkerınıŋ qaza bolu faktısı boiynşa sotqa deiıngı tergep-tekseru jürgızılıp jatyr. Oqiǧanyŋ män-jaiy barlyq qajettı tergeu äreketterı men prosessualdyq ıs-şaralar keşenı jürgızılgennen keiın anyqtalady», – dep habarlady äskeri-tergeu departamentı.
Jambyl oblysyndaǧy äskeri bölımde qarauyl bastyǧyna oq tiıp, qaza tapty
16.03.2026
Ūqsas jaŋalyqtar
Pıkırler
